Super.mamasita اتىمەن ايگىلى بولعان قازاقستاندىق تانىمال بلوگەر ءاليا بايتۋعاەۆا 5 ميلليون وقىرمانى بار Instagram پاراقشاسىنان ايىرىلدى. بۇل تۋرالى ول ءوزىنىڭ الەۋمەتتىك جەلىسىندە ايتتى، - دەپ «ادىرنا» ۇلتتىق پورتالى Tengrinews.kz-كە سىلتەپ حابارلايدى.
8-ناۋرىزدا ءاليا بايتۋعاەۆا بەس ميلليون وقىرمانى بار اۋديتورياسىنىڭ وزىنە قايتارىلمايتىنى جايلى ايتقان ۆيدەوسى جاريالاندى.
«مەن جاڭا عانا مەنىڭ پاراقشامنىڭ قايتارىلمايتىنىن ءبىلدىم. بۇنى مەن ءتىپتى ەلەستەتە المايمىن. مەن بەس جىل بويى وسى ءۇشىن تەر توكتىم. ال ەندى اككاۋنتىمدى قايتارمايدى. بۇعان سەنە المايمىن. بۇل قالاي بولعانى» - دەدى ول كوزىنە جاس الىپ.
كەيبىر قازاق بلوگەرلەرى #mamasitazhivi حەشتەگىمەن الەۋمەتتىك جەلىدە ءتۇرلى جازبالارىمەن قولدادى.
ەستەرىڭىزگە سالا كەتەيىك، اقپان ايىنىڭ باسىندا الماتى سانيتارلىق ينسپەكتورلارى كارانتين كەزىندە بلوگەر “سۋپەر ماماسيتا» وتكىزگەن تويدىڭ ۆيدەوسىن تەكسەرىپ شىققان بولاتىن.
ال 2020 جىلدىڭ ساۋىرىندە ءاليا بايتۋعاەۆاعا كارانتين تالاپتارىن بۇزعانى ءۇشىن ايىپپۇل سالىنعان ەدى.
سونىمەن قاتار، بلوگەردىڭ ءتىرى جولبارىستىڭ ۇستىنە ءمىنىپ تۇسكەن سۋرەتتەرىن قازاقستاندىقتار قاتتى سىنعا الدى دەيدى باق وكىلدەرى.
دينا ليتپين،
«ادىرنا» ۇلتتىق پورتالى
