Super.mamasita atymen áıgili bolǵan qazaqstandyq tanymal bloger Álııa Baıtýǵaeva 5 mıllıon oqyrmany bar Instagram paraqshasynan aıyryldy. Bul týraly ol óziniń áleýmettik jelisinde aıtty, - dep «Adyrna» ulttyq portaly Tengrinews.kz-ke siltep habarlaıdy.
8-naýryzda Álııa Baıtýǵaeva bes mıllıon oqyrmany bar aýdıtorııasynyń ózine qaıtarylmaıtyny jaıly aıtqan vıdeosy jarııalandy.
«Men jańa ǵana meniń paraqshamnyń qaıtarylmaıtynyn bildim. Buny men tipti elestete almaımyn. Men bes jyl boıy osy úshin ter tóktim. Al endi akkaýntymdy qaıtarmaıdy. Buǵan sene almaımyn. Bul qalaı bolǵany» - dedi ol kózine jas alyp.
Keıbir qazaq blogerleri #mamasitazhivi heshtegimen áleýmettik jelide túrli jazbalarymen qoldady.
Esterińizge sala keteıik, aqpan aıynyń basynda Almaty sanıtarlyq ınspektorlary karantın kezinde bloger “Sýper Mamasıta» ótkizgen toıdyń vıdeosyn tekserip shyqqan bolatyn.
Al 2020 jyldyń sáýirinde Álııa Baıtýǵaevaǵa karantın talaptaryn buzǵany úshin aıyppul salynǵan edi.
Sonymen qatar, blogerdiń tiri jolbarystyń ústine minip túsken sýretterin qazaqstandyqtar qatty synǵa aldy deıdi BAQ ókilderi.
Dına LITPIN,
«Adyrna» ulttyq portaly
