جاڭا ماڭعىستاۋ وبلىسى اكىمىنىڭ ورىنباسارى تاعايىندالدى

2249
Adyrna.kz Telegram

قازاقستان رەسپۋبليكاسى پرەزيدەنت اكىمشىلىگىنىڭ كەلىسىمىمەن، ماڭعىستاۋ وبلىسى اكىمىنىڭ وكىمىمەن ماڭعىستاۋ وبلىسى اكىمىنىڭ ورىنباسارى بولىپ ورىنباساروۆ بەكبول تىلەۋمۇراتۇلى تاعايىندالدى.

بەكبول تىلەۋمۇراتۇلى 1971 جىلى ماڭعىستاۋ وبلىسىندا تۋعان. ءبىلىمى جوعارى. 1993 جىلى ال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىندە،  1998 جىلى – ش.ەسەنوۆ اتىنداعى اقتاۋ ۋنيۆەرسيتەتىندە، 2011 جىلى ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىندە ءبىلىم العان.  

ەڭبەك جولىن ماڭعىستاۋ وبلىسىنىڭ كەدەن باسقارماسىنىڭ «باۋتينو» كەدەن پوستىنىڭ ينسپەكتورى قىزمەتىنەن باستاعان. مۇناي، بانك، سالىق، قارجى سەكتورىندا ءتۇرلى قىزمەتتەردى اتقارعان. كەيىنگى جىلدارى اقتاۋ قالاسىنىڭ اكىمدىگىندە ەڭبەك ەتتى.  2006 جىلى اقتاۋ قالاسى اكىمىنىڭ ورىنباسارى، 2008 جىلى قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ مينيسترلىگىندە باسقارما باسشىسى قىزمەتتەرىن اتقاردى. 2019 جىلدان وسى كۇنگە دەيىن اقتاۋ تەڭىز پورتى» ارنايى ەكونوميكالىق ايماق» اق-نىڭ باسقارما توراعاسى بولدى.  

ماڭعىستاۋ وبلىسى اكىمىنىڭ ءباسپاسوز قىزمەتى.

پىكىرلەر