Qazaqstan Respýblıkasy Prezıdent ákimshiliginiń kelisimimen, Mańǵystaý oblysy ákiminiń ókimimen Mańǵystaý oblysy ákiminiń orynbasary bolyp Orynbasarov Bekbol Tileýmuratuly taǵaıyndaldy.
Bekbol Tileýmuratuly 1971 jyly Mańǵystaý oblysynda týǵan. Bilimi joǵary. 1993 jyly Al-Farabı atyndaǵy Qazaq memlekettik ulttyq ýnıversıtetinde, 1998 jyly – Sh.Esenov atyndaǵy Aqtaý ýnıversıtetinde, 2011 jyly E. Bóketov atyndaǵy Qaraǵandy memlekettik ýnıversıtetinde bilim alǵan.
Eńbek jolyn Mańǵystaý oblysynyń keden basqarmasynyń «Baýtıno» keden postynyń ınspektory qyzmetinen bastaǵan. Munaı, bank, salyq, qarjy sektorynda túrli qyzmetterdi atqarǵan. Keıingi jyldary Aqtaý qalasynyń ákimdiginde eńbek etti. 2006 jyly Aqtaý qalasy ákiminiń orynbasary, 2008 jyly Qazaqstan Respýblıkasynyń ekonomıka jáne bıýdjettik josparlaý mınıstrliginde basqarma basshysy qyzmetterin atqardy. 2019 jyldan osy kúnge deıin Aqtaý teńiz porty» Arnaıy ekonomıkalyq aımaq» AQ-nyń Basqarma tóraǵasy boldy.
Mańǵystaý oblysy ákiminiń baspasóz qyzmeti.
