دەكرەتتىك جاردەماقى العان ەر ادام 200 ميلليون تەڭگە قايتارۋى ءتيىس

1653
Adyrna.kz Telegram

شىعىس قازاقستان وبلىسىندا بالا كۇتىمىنە بايلانىستى ءبىر جىلعا دەيىن تولەنەتىن جاردەماقىنى ءوز اتىنا راسىمدەگەن ەر ادامدار بۇل اقشانى قايتارۋى ءتيىس. جالپى 254 ەر ادام "دەكرەتتىك" جاردەماقى العان. ەندى ولارعا 200 ميلليون تەڭگەدەن استام سومانى قايتارۋ جونىندە تالاپ قويدى، دەپ حابارلايدى "ەۋرازيا ءبىرىنشى ارناسى".

مەملەكەتتىك ساقتاندىرۋ قورى وكىلدەرىنىڭ تۇسىندىرۋىنشە، بۇل تولەمدەر نەگىزسىز الىنعان. ال ءتيىستى قاراجاتتى العان وتباسىلار مۇنداي ۋاجبەن كەلىسپەي وتىر. ولار قۇجاتتاردى راسىمدەۋگە حقكو قىزمەتكەرلەرى كومەكتەسكەنىن ايتادى.

سولاردىڭ ءبىرى – دميتري جۋراۆلەۆ. ول حقكو-عا كەزەكتى رەت كەلگەندە مەملەكەتكە 1 ميلليون تەڭگەگە جۋىق بەرەشەگى بار ەكەنىن بىلگەن. ەر ادام وسىدان ءۇش جىل بۇرىن بالا كۇتىمىنە بايلانىستى جاردەماقىنى ءوز اتىنا راسىمدەگەن.

ول تۋ تۋرالى كۋالىكتى راسىمدەپ، جاردەماقى جايلى اقپارات الۋ ءۇشىن حقكو-نا بارعاندا، ورتالىق قىزمەتكەرى زاڭناماعا ءتيىستى وزگەرتۋلەر ەنگىزىلگەنىن، سوندىقتان جالاقىسى كوپ اتا-انانىڭ ءبىرى جاردەماقىنى راسىمدەۋگە بولاتىنىن ايتقان.

"سول جىلدارى تابىسىم جوعارى ەدى. مەن بۇل جاڭالىققا قۋانىپ، اقشا اۋدارىمى دا تيىسىنشە كوپ بولادى دەپ ءتۇسىندىم. سودان بارلىق ءتيىستى قۇجاتتى جيناپ تاپسىردىم", – دەيدى جۋراۆلەۆ.

قڭىردە جۋراۆلەۆ سەكىلدى قۇجات تاپسىرعانداردىڭ سانى از ەمەس. 254 وتباسى ءدال وسىنداي جاردەماقىنى وتاعاسىنىڭ اتىنا راسىمدەگەن.

مەملەكەتتىك الەۋمەتتىك ساقتاندىرۋ قورى وبلىستىق فيليالى نارازىلىق حات جولداپ، مەملەكەت الدىنداعى قارىزىن وتەۋ تۋرالى حابارلاندىرعان.

"بۇل حات بىزگە 2 ناۋرىز كۇنى كەلدى. ءبىز 10 ناۋرىزعا دەيىن 976 مىڭ تەڭگە تولەۋ كەرەكپىز. ءبىر اپتانىڭ ىشىندە. الەۋمەتتىك جەلىدە دە قوقان-لوقى جاسالىپ جاتىر. ءبىزدى الاياق دەپ اتاپ، قارىزدى تولەۋىمىزدى تالاپ ەتۋدە. مەن تۇڭعىشىمدى بوسانعاندا جاردەماقىنى ءوز اتىما راسىمدەگەنمىن. ەكىنشى بالانى دۇنيەگە الىپ كەلگەن سوڭ حقكو قىزمەتكەرى جاردەماقىنى كۇيەۋىمنىڭ اتىنا راسىمدەۋ تۋرالى ۇسىنىس جاساعان؟", – دەدى شقو تۇرعىنى تاتيانا ەرمولاەۆا.

بۇل ماسەلەگە قاتىستى شىعىس قازاقستان وبلىسى بويىنشا حالىققا قىزمەت كورسەتۋ ورتالىعىنىڭ ديرەكتورى ازامات ەسەنبولوۆ ءوز قىزمەتكەرلەرىنىڭ كىناسىن تولىق جوققا شىعارىپ وتىر.

ء"بىز ەشقانداي ۇسىنىس جاسامايىز. 700-دەن استام قىزمەت ءتۇرىن كورسەتەتىندىكتەن، قاتاڭ تۇردە بەكىتىلگەن ستاندارت بار. ەگەر ازامات ءتيىستى قۇجاتتار جيىنتىعىن الىپ كەلسە، ءبىز ونى قابىلداساق، جاردەماقىنى تاعايىنداۋ تۋرالى شەشىمدى ءبىز ەمەس، ۋاكىلەتتى ورگان قابىلدايدى", – دەدى ازامات ەسەنبولوۆ.

وسى تۇستا ۋاكىلەتتى ورگان رەتىندە قىزمەت ۇسىناتىن – مەملەكەتتىك الەۋمەتتىك ساقتاندىرۋ قورى سابيلەردىڭ اكەلەرى نەگىزگى تابىسىنان ايىرىلماستان بالا كۇتىمىنە بايلانىستى جاردەماقىنى ءوز اتتارىنا راسىمدەگەنىن العا تارتتى. ماسق مۇنىڭ بارلىعىنا زاڭداعى شيكىلىك سەبەپشى ەكەنىن مالىمدەدى.

"وسى 254 ادامنىڭ باسىم بولىگى سول كەزدەگى، ياعني 2018 جىلدىڭ قاڭتارىندا قولدانىستا بولعان زاڭعا سايكەس 2018 جىلدىڭ ءبىرىنشى جارتىجىلدىعىندا جاردەماقىنى راسىمدەگەن. ول زاڭعا سايكەس ماسق فيليالى قۇجاتتاردى تەك ستاندارتتار ءتىزىمى بويىنشا تەكسەرە الدى. ول تىزىمدە كىرىستى راستايتىن قۇجات بولعان جوق. 2018 جىلدىڭ 2 شىلدەسىنەن باستاپ زاڭعا وزگەرتۋلەر ەنگىزىلىپ، قور فيليالدارىنا ۇسىنىلعان قۇجاتتار مەن مالىمەتتەردىڭ دۇرىستىعىن تەكسەرۋ قۇزىرەتى بەرىلدى", – دەيدى مەملەكەتتىك الەۋمەتتىك ساقتاندىرۋ قورىنىڭ وبلىستىق فيليالىنىڭ ديرەكتورى نۇرلان قىستاۋباەۆ.

پىكىرلەر