شىمكەنتتىك انا ونىنشى پەرزەنتىن دۇنيەگە اكەلدى، دەپ حابارلايدى «ادىرنا» ءتىلشىسى otyrar.kz-كە سىلتەمە جاساپ.
شەكەسى تورسىقتاي ۇلدى دۇنيەگە اكەلگەن 41 جاستاعى ايجان پايشانوۆانىڭ بۇعان دەيىن 6 ۇلى، 3 قىزى بولعان. دارىگەرلەردىڭ ايتۋىنشا بالا مەن انانىڭ قازىرگى جاعدايى جاقسى.
«مىنا نۇرساتتەگى پەرزەنتحاناعا العىسىم شەكسىز. سىزدەرگە، بارىڭىزگە راقمەت ايتام. بارلىق جاعداي جاسالعان. دارىگەرلەر دەمبە-دەم بالاما دا، وزىمە دە جاقسى قاراپ ءجۇر»،-دەدى كوپبالالى انا.
دەنساۋلىق ساقتاۋ باسقارماسىنداعىلار شىمكەنتتە دەموگرافيالىق ءوسىم جاقسارىپ كەلەتىنىن ايتادى. جىل باسىنان بەرى قالادا 4892 ءسابي دۇنيەگە كەلگەن. جىلدىڭ العاشقى ەكى ايىندا ومىرگە كەلگەن سابيلەردىڭ باسىم بولىگى ۇل بالالار ەكەن.
«ادىرنا» ۇلتتىق پورتالى
