سەمەي قالاسىندا جەر ۇيدەن ءورت شىعىپ، 2 ادام قازا بولدى، دەپ حابارلايدى «ادىرنا» ءتىلشىسى قازاقپاراتقا سىلتەمە جاساپ.
شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك، 3 ناۋرىزدا ساعات 05:00 شاماسىندا بەليباەۆ كوشەسىندەگى جەكە تۇرعىن ءۇي وتقا ورانعان. وقيعا ورنىنا شۇعىل كەلىپ جەتكەن ءورت سوندىرۋشىلەر ءۇي ىشىنەن 2 گاز باللانىن الىپ شىقتى.
«جالىن شارپىعان جالپى اۋماق 180 شارشى مەتردى قۇرادى. بارلاۋ جۇرگىزۋ بارىسىندا بولمەدەن 1946 جىلعى ءۇي يەسى مەن ونىڭ 1976 جىلعى ۇلىنىڭ دەنەسى تابىلدى»،– دەلىنگەن حابارلامادا.
الدىن الا مالىمەت بويىنشا ءورتتىڭ شىعۋىنا – وتپەن ابايسىز ارەكەت ەتۋ، پەشتى پايدالانۋ كەزىندە ءورت قاۋىپسىزدىگى ەرەجەلەرىن ساقتاماۋ نەمەسە ەلەكتر جابدىقتارىنىڭ اپاتتىق رەجيمدە جۇمىس ىستەۋى سەبەپ بولۋى مۇمكىن.
«ادىرنا» ۇلتتىق پورتالى
