Semeı qalasynda jer úıden órt shyǵyp, 2 adam qaza boldy, dep habarlaıdy «Adyrna» tilshisi QazAqparatqa silteme jasap.
ShQO Tótenshe jaǵdaılar departamenti baspasóz qyzmetiniń málimetine súıensek, 3 naýryzda saǵat 05:00 shamasynda Belıbaev kóshesindegi jeke turǵyn úı otqa oranǵan. Oqıǵa ornyna shuǵyl kelip jetken órt sóndirýshiler úı ishinen 2 gaz ballanyn alyp shyqty.
«Jalyn sharpyǵan jalpy aýmaq 180 sharshy metrdi qurady. Barlaý júrgizý barysynda bólmeden 1946 jylǵy úı ıesi men onyń 1976 jylǵy ulynyń denesi tabyldy»,– delingen habarlamada.
Aldyn ala málimet boıynsha órttiń shyǵýyna – otpen abaısyz áreket etý, peshti paıdalaný kezinde órt qaýipsizdigi erejelerin saqtamaý nemese elektr jabdyqtarynyń apattyq rejımde jumys isteýi sebep bolýy múmkin.
«Adyrna» ulttyq portaly
