ءوزىنىڭ الەۋمەتتىك جەلى پاراقشاسىندا ءانشى جازيرا بايىربەكوۆا «قازاقتىڭ تەڭ جارتىسى قايىرشىعا اينالىپ جاتقانداي» دەپ، ەندىگى جەردە كومەك سۇراعاندارعا قول ۇشىن سوزبايتىنىن جازدى دەپ حابارلايدى «ادىرنا» ۇلتتىق پورتالى.
«وسىدان بىرنەشە جىل بۇرىن جاعداي̆ىن اي̆تىپ،كومەك سۇراعان ادامداردىڭ حاتىن وقىپ،جىلاپ،ۇي̆قىم قاشىپ اۋىرىپ قالاتىنمىن.قازىر ءوزىمدى ساقتاۋ ءۇشىن ءمان بەرمەۋگە تىرىسىپ ءجۇرمىن.حاتتاردى كورەمىز.توقتالىپ وقىماي̆مىز.وي̆تكەنى كۇندە 40-50 دەن اسا حاتتار،قوڭىراۋلار كۇننەن كۇنگە كوبەيۋدە.
بىرەۋى ۇرسىپ سۇراي̆دى،بىرەۋى قارعاپ سۇراي̆دى،بىرەۋى جالىنىپ سۇراي̆دى،بىرەۋى شىن مۇقتاج،بىرەۋى الداپ سۇراي̆دى،بىرەۋى مىندەتتىسىڭ دەپ ماجبۇرلەگىسى كەلىپ تىستەلەپ سۇراي̆دى.
قازاقتىڭ تەڭ جارتىسى قاي̆ىرشىعا اي̆نالىپ جاتقانداي̆ كورىنەدى.
نەگە؟؟؟
باسقا ەلدەردە دە وسىلاي̆ ما ەكەن؟!
الەۋمەتتىك جەلىگە كىرە الماي̆تىن،كىرۋگە اقشاسى دا ۋاقىتى دا جوق مۇقتاج جاندار قانشاما.
قاي̆ىرىمدىلىقتى كىمگە،قاي̆ كەزدە جاساي̆تىنىن ءار ادام ءوزى شەشەدى.
مەن ينستاداعى كومەك سۇراعان حاتتاردى وقىمايمىن ەندى.
ارنايى قايىرىمدىلىق قورلارىنا جازىڭىزدار» دەپ جازادى ءانشى جازيرا.
ونەر جۇلدىزىنىڭ ءبىرى، حالىقتىڭ سۇيىكتى ءانشىسىنىڭ بۇل جازباسى وقىرماندارىنىڭ ءبىرىن ويلانتسا، ەندى ءبىرى ءانشىنىڭ بۇل پىكىرىن قولدايتىنىن ءبىلدىرىپ جاتىر. سارالاپ كورىپ، ۇققانىمىز جازيرانىڭ بۇل جازباسىنا قاتىستى «حالىق راسىمەن كەدەيلەنىپ بارادى. بيلىك باسىنداعىلار حالىقتىڭ نەسىبەسىن جەپ قويدى» دەگەن جانە «الاقان جايىپ، اقشا سقراۋدى ادەتكە اينالدىرعان ادام كوبەيدى. ەگەر شىن مۇقتاج بولسا، الەۋمەتتىك جەلىدە وتىرمايدى» دەگەن پىكىرلەر باسىم ەكەن.
سولاردىڭ ىشىندە ءبىر عانا پىكىر ەرەكشە نازار اۋدارتتى. دتسپ دەرتىنە شالدىققان بالاسىنىڭ ءاربىر ەمىنە جۇزدەگەن مىڭنىڭ ءدارىسىن الۋ وتە قيىنعا سوعاتىنىن، سونداي كەزدە امالسىز الاقان جاياتىنىن جاسىرماي جازعان كەلىنشەك تۇتاس قازاقتىڭ قايعىسىن جەتكىزگەندەي كورىندى. قازاق ۇلتى نامىسىن بارىنەن بيىك ۇستاعان تەكتى حالىق ەدى. سوڭعى ۋاقىتتا الاقان جايىپ، كومەك سۇراۋدان ارلانبايتىن حالىققا اينالدى. نەگە؟ ويتكەنى سولاي ەتۋگە ءماجبۇر. كوز الدىندا اجالمەن ارپالىسقان بالاسى قينالىپ جاتقاندا، ار-نامىستى ويلاپ وتىرۋ مۇمكىن بە؟
وسىنداي قيىندىقتىڭ قىلبۇراۋى قىسا تۇسپەسە، قازاقتىڭ بالاسى قايىر سۇرامايتىنى ءسوزسىز. ارينە، وڭاي اقشامەن قارىن تويدىرۋدى ويلايتىن الاياقتاردىڭ بارىن جوققا شىعارمايمىز. الايدا قازىرگى قوعامدى قايىرشىعا اينالدىرعان ەڭ باستى ماسەلە – ماجبۇرلىك. بالاسىنىڭ، ەت جاقىنىنىڭ جانى قىل ۇشىندا تۇرعاندا ەشتەڭەدەن تايىنباي، جاقىنىن اجالدان اراشالاعىسى كەلەتىن كەز كەلگەن ادام الاقان جايۋعا ءماجبۇر.
ولاي بولسا، ەگەر شاماڭ جەتىپ تۇرسا، نەگە قول ۇشىن سوزباسقا؟ بۇل ءومىر دۇنيە جيناۋ ءۇشىن بەرىلمەگەنىن ەسكەرسەك، بۇل جالعانعا تەك جاقسىلىق جاساۋعا كەلەتىنىمىزدى ۇمىتپاساق ەكەن. ال قاراپايىم حالىقتىڭ قولداۋىنىڭ ارقاسىندا ونەر جۇلدىزىنا اينالعان قاۋىمنىڭ كومەك سۇراعان حالقىنان تەرىس اينالۋى بۇل قوعامنىڭ كەلەسى ءبىر جاراسىنا اينالماسىنا كەپىلدىك جوق قوي.
مۇقاش مۇراتۇلى،
«ادىرنا» ۇلتتىق پورتالى.
فوتو اشىق دەرەككوزدەن الىندى.
