ءبىلىم جانە عىلىم ءمينيسترى اسحات ايماعامبەتوۆ بۇگىنگى مەرەكەگە وراي ۇستازدارعا ەرەكشە العىس ايتتى، دەپ حابارلايدى "ادىرنا" ۇلتتىق پورتالى.
"بۇگىن – العىس ايتۋ كۇنى. سىزدەردى مەيىرىمدىلىك، جاقسىلىق، دوستىق پەن ىزگىلىكتىڭ سيمۆولىنا اينالعان مەرەكەمەن شىن جۇرەكتەن قۇتتىقتايمىن. پەداگوگ-ارىپتەستەرىمە پاندەميا مەن كارانتيندىك شەكتەۋلەر جاعدايىندا كاسىبيلىك تانىتىپ، قاجىرلى ەڭبەك ەتكەنى ءۇشىن ەرەكشە العىسىمدى بىلدىرەمىن. مۇعالىمدەر ۋاقىتتىڭ جاڭا سىن-قاتەرلەرىن ەڭسەرۋ ءۇشىن تاباندىلىق تانىتتى. سىناقتاردىڭ ارقاسىندا مىقتى بولا تۇستىك، - دەدى ول.
پاندەميا كەزىندە تۇسىنىستىك تانىتىپ، وقۋشى مەن ستۋدەنتكە ماحابباتپەن ءبىلىم بەرگەندەرى ءۇشىن ەرەكشە ىقىلاس ءبىلدىردى.
"وسىناۋ قيىن كەزەڭدە قولداۋ كورسەتىپ، تۇسىنىستىك تانىتقانى ءۇشىن وقۋشىلارىمىز بەن ستۋدەنتتەرىمىزدىڭ اتا-انالارىنا العىسىم شەكسىز. ءبىزدىڭ بالالارىمىز تالانتتى ءارى اقىلدى. ولار – ەلىمىزدىڭ بولاشاعى. ءبىز بالالاردىڭ ساپالى ءبىلىم الىپ، قازاقستاننىڭ لايىقتى ازاماتتارى بولىپ ءوسۋى ءۇشىن قولدان كەلگەننىڭ ءبارىن جاسايمىز. بارشاڭىزعا مىقتى دەنساۋلىق، وتباسىلارىڭىزعا باق-بەرەكە جانە تولاعاي تابىستار تىلەيمىن، - دەدى ايماعامبەتوۆ.
