Bilim jáne ǵylym mınıstri Ashat Aımaǵambetov búgingi merekege oraı ustazdarǵa erekshe alǵys aıtty, dep habarlaıdy "Adyrna" ulttyq portaly.
"Búgin – Alǵys aıtý kúni. Sizderdi meıirimdilik, jaqsylyq, dostyq pen izgiliktiń sımvolyna aınalǵan merekemen shyn júrekten quttyqtaımyn. Pedagog-áriptesterime pandemııa men karantındik shekteýler jaǵdaıynda kásibılik tanytyp, qajyrly eńbek etkeni úshin erekshe alǵysymdy bildiremin. Muǵalimder ýaqyttyń jańa syn-qaterlerin eńserý úshin tabandylyq tanytty. Synaqtardyń arqasynda myqty bola tústik, - dedi ol.
Pandemııa kezinde túsinistik tanytyp, oqýshy men stýdentke mahabbatpen bilim bergenderi úshin erekshe yqylas bildirdi.
"Osynaý qıyn kezeńde qoldaý kórsetip, túsinistik tanytqany úshin oqýshylarymyz ben stýdentterimizdiń ata-analaryna alǵysym sheksiz. Bizdiń balalarymyz talantty ári aqyldy. Olar – elimizdiń bolashaǵy. Biz balalardyń sapaly bilim alyp, Qazaqstannyń laıyqty azamattary bolyp ósýi úshin qoldan kelgenniń bárin jasaımyz. Barshańyzǵa myqty densaýlyq, otbasylaryńyzǵa baq-bereke jáne tolaǵaı tabystar tileımin, - dedi Aımaǵambetov.
