قازاقستاندا 2022 جىلدان باستاپ دەنساۋلىق ساقتاۋ ۇيىمدارىنداعى مەديتسينالىق ەمەس قىزمەتكەرلەردىڭ جالاقىسى كوتەرىلەدى. بۇل تۋرالى دەنساۋلىق ساقتاۋ ءمينيسترى الەكسەي تسوي ۆەدومستۆونىڭ كەڭەيتىلگەن القا ماجىلىسىندە مالىمدەدى، دەپ حابارلايدى "ادىرنا" ۇلتتىق پورتالى.
«دەنساۋلىق ساقتاۋ مينيسترلىگى 2022 جىلدان باستاپ دەنساۋلىق ساقتاۋ ۇيىمدارىنداعى مەديتسينالىق ەمەس قىزمەتكەرلەردىڭ جالاقىسىن كوتەرۋ ماسەلەسىن پىسىقتاۋدا»، – دەدى مينيستر.
وسىلايشا، تسويدىڭ ايتۋىنشا، بيىل دارىگەرلەردىڭ ورتاشا جالاقىسى 320 مىڭ تەڭگەگە جەتەدى. 2023 جىلى 561 مىڭ تەڭگەنى قۇرايدى.
«2021 جىلى ورتا مەديتسينا قىزمەتكەرلەرىنىڭ ورتاشا جالاقىسى 173 مىڭ تەڭگە، 2023 جىلى 210 مىڭ تەڭگەگە جەتەدى»، – دەدى مينيستر.
ول پرەزيدەنت بيىلدان باستاپ دارىگەرلەردىڭ جالاقىسىن كەزەڭ-كەزەڭىمەن كوتەرۋ مىندەتىن قويعانىن ەسكە سالدى.
2023 جىلعا قاراي دارىگەرلەردىڭ جالاقىسى ەكونوميكاداعى ورتاشا جالاقىدان 2,5 ەسە كوپ بولادى دەپ بولجانۋدا. ماسەلەن، 247 مىڭ مەديتسينا قىزمەتكەرىنىڭ جالاقىسىن كوتەرۋگە رەسپۋبليكالىق بيۋدجەتتە ءتيىستى شىعىستار كوزدەلگەن.
2021 جىلى – 222 ميلليارد تەڭگە، 2022 جىلى – 362 ميلليارد تەڭگە، 2023 جىلى – 557 ميلليارد تەڭگە.
