كوپبالالى وتباسىندا ءورت شىعىپ، تۇگەلدەي جانىپ كەتتى

12574
Adyrna.kz Telegram

25-ءشى اقپانعا قاراعان كۇنى جىلىوي اۋدانى قۇلسارى قالاسىنىڭ ارتىعاليەۆ كوشەسىندە تۇراتىن كوپبالالى وتباسىنىڭ شاڭىراعىندا جانتۇرشىگەرلىك ءورت ورىن الدى، دەپ حابارلايدى “ادىرنا” ۇلتتىق پورتالى. 

باسپانا كوپبالالى وتباسىعا تيەسىلى. التى بالاسىمەن دالادا قالعان وتباسىعا جەرگىلىكتى تۇرعىندار كومەك كورسەتۋدە. قۇداي قولداپ ءورت بولعان ءتۇنى ۇيدە ەشكىم بولماعان.

ءبىر كۇن بۇرىن ۇيدەن گازدىڭ ءيىسى شىعىپ، تاڭەرتەڭ بالالارىنىڭ مۇرىنى قارا كۇيە بوپ ويانعان. سەسكەنگەن انا بالالارىن الىپ، تۋىسىنىڭ ۇيىنە كەتىپ قالعان. سوراقىسى، ءبىر كۇن بۇرىن 104 نومىرىنە حابارلاسقان. الايدا، ەشكىم كەلىپ، كومەك كورسەتپەگەن.

قىراۋباەۆ جەڭىس پەن بۋراشەۆا اسەمگۇلدىڭ التى بالاسى بار، كەنجەسى قىرقىنان شىقپاعان.
ءۇيدى قىراۋباەۆ جەڭىستىڭ اكەسىنە، ۇلى وتان سوعىسىنىڭ ارداگەرى دەپ قۇرمەتتەپ اتىراۋ وبلىسىنىڭ اكيماتى سالىپ بەرگەن.

ادام شىعىنى بولماعانىمەن،  اياق استىنان بولعان اپاتتىق جاعدايدىڭ كەسىرىنەن بۇل وتباسى كازىرگى تاڭدا، قاقاعان قىستا باسپاناسىز قالدى.
ءمان-جاي ءالى دە انىقتالىپ جاتىر.

پىكىرلەر