قازاقستان ۇلتتىق بانكى «كوسموس» سەرياسىنان – «BELKA. STRELKA»، «قازاقستاننىڭ سالت-داستۇرلەرى، ۇلتتىق ويىندارى» سەرياسىنان – «SÚNDET TOI» كوللەكتسيالىق مونەتالارىنىڭ ساتىلىمعا شىعاتىن كۇنىن جاريالادى، دەپ حابارلايدى «ادىرنا» ءتىلشىسى.
«BELKA. STRELKA» مونەتالارى – 1 ناۋرىزدا، «SÚNDET TOI» – 9 ناۋرىزدا ساتىلىمعا شىعادى. ولار الەۋمەتتىك قاشىقتىقتى جانە بەلگىلەنگەن ەپيدەميولوگيالىق شارالاردى ساقتاي وتىرىپ، ۇلتتىق بانكتىڭ اۋماقتىق فيليالدارى ارقىلى ساتىلادى.
سونىمەن قاتار «MEDEÝ» كوللەكتسيالىق مونەتالارىن ساتۋ فورماتى وزگەرگەنىن حابارلايمىز. ولار ينتەرنەت-دۇكەندە، سونداي-اق ۇلتتىق بانكتىڭ اۋماقتىق فيليالدارىندا ساتىلادى»،-دەلىنگەن حابارلامادا.
«MEDEÝ» مونەتالارىنىڭ ساتىلىمعا شىعاتىن كۇنى تۋرالى اقپارات قازاقستان ۇلتتىق بانكىنىڭ رەسمي سايتىندا قوسىمشا حابارلانادى.
«ادىرنا» ۇلتتىق پورتالى
