سارىاعاشتىق پوليتسەيلەر كارانتين كەزىندە 200-گە جۋىق ادامدى جيناپ، قىز ۇزاتۋ تويىن جاساعانداردى انىقتادى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
سارىاعاش اۋدانىنىڭ پوليتسەيلەرىنە جەرگىلىكتى تۇرعىننىڭ تويحانالاردىڭ بىرىندە قىز ۇزاتۋ تويىن وتكىزىپ جاتىر دەگەن حابارلاما تۇسكەن. حابار الىسىمەن موبيلدىك توپپەن تەز ارادا كورسەتىلگەن مەكەن-جايعا جەتىپ، تەكسەرۋ جۇمىستارىن جۇرگىزدى.
ناتيجەسىندە 200-گە جۋىق ادامدى جيناپ، توي ىستەپ جاتقاندارى بەلگىلى بولدى. پوليتسەيلەردەن قۇرىلعان ءموبيلدى توپ تويدى توقتاتىپ، توي يەسىنە قر اقبتك-ءنىڭ 425-بابى (حالىقتىڭ سانيتارلىق-ەپيدەميولوگيالىق سالاۋاتتىلىعى سالاسىنداعى زاڭناما تالاپتارىن، سونداي-اق گيگيەنالىق نورماتيۆتەردى بۇزۋ) بويىنشا حاتتاما تولتىرىلىپ سەبب-عا جولداندى.
تۇركىستان وبلىسىنىڭ پوليتسەيلەرى كارانتين رەجيمىنە بايلانىستى ەپيدەميولوگيالىق جاعدايدىڭ كۇردەلەنۋىنە وراي، كارانتيننىڭ ساقتالۋىن باقىلاۋ بويىنشا ءىس-شارالار جۇرگىزۋدى جالعاستىرۋدا. ءموبيلدى توپتار ازاماتتاردىڭ، ساۋدا جانە ويىن-ساۋىق ورىندارىنىڭ، دۇكەندەر مەن بازارلاردىڭ يەلەرىمەن، سونداي-اق ادامدار كوپ جينالاتىن ورىنداردا، قوعامدىق كولىكتەردە جانە كوشەلەردە كارانتين مەن ءوزىن-ءوزى وقشاۋلاۋ رەجيمىنىڭ ساقتالۋىن تەكسەرۋدە. بۇل باعىتتاعى جۇمىستار تۇراقتى جۇرگىزىلەتىن بولادى.
«ادىرنا» ۇلتتىق پورتالى
