التىن وردا تاريحى تۋرالى كينو تۇسىرىلەدى، دەپ حابارلايدى “ادىرنا” ۇلتتىق پورتالى “Qazaqstan” تەلەارناسىنا سىلتەمە جاساپ.
ۇلتتىق كينونى قولداۋ مەملەكەتتىك ورتالىعى التىن وردا تاريحىنا ارنالعان ءىرى كينوجوبانىڭ تۇجىرىمداماسىن ازىرلەۋگە كىرىستى.
وسى ماقساتتا كينو ورتالىعىنىڭ جانىنان ارنايى جۇمىس توبى قۇرىلعان، ول ۇكىمەتكە بولاشاق تۋىندىنىڭ نەگىزگى كورىنىسىن، مودەلى مەن ارحيتەكتۋراسى بويىنشا ۇسىنىس بەرمەك.
كينوجوباعا دايىندىقتىڭ ءبىرىنشى كەزەڭىندە كاسىبي تاريحشىلار مەن تاجىريبەلى كينودراماتۋرگ، ەتنوگرافتار مەن ادەبيەتتانۋشىلاردان اقپارات جينالادى.
سونىمەن قاتار، ۇلكەن حالىقارالىق تاريحي كينوجوبالاردى جاساۋ بويىنشا تابىستى تاجىريبەسى بار گولليۆۋد، ەۋروپا، رەسەي جانە ازيانىڭ ۇزدىك وندىرىستىك كومپانيالارى اراسىنان جاھاندىق سەرىكتەستەر مەن ينۆەستورلاردى ىزدەۋ جۇرگىزىلىپ جاتىر.
