30 جىل بويى ۇلتتىق بولمىسقا جات ءدىني تانىم دارىپتەلىپ كەلەدى

4862
Adyrna.kz Telegram
يحسان دەگەن نە؟
يحسان – اتاڭنىڭ باسىنا بارىپ فوتوعا ءتۇسۋ ەمەس. يحسان حاكىم ابايدىڭ ولەڭىن تاقپاق قىلىپ وقىپ بەرۋ ەمەس. ءاسىلى:
قازاق دۇنيەتانىمىندا "يحسان" دەگەن تۇسىنىك جوق. "سوپىلىق" دەگەن ۇعىم عانا بار. سوندىقتان حالىقتىڭ ءدىني دۇنيەتانىمىن شاتاستىرماي سوپىلىق ءىلىمى، تاريقات ءىلىمى دەپ انىعىن ايتۋ كەرەك.
ال قازاق دالاسىندا يسلام يحسان ءىلىمىنىڭ (سوپىلىق) ەكى مەكتەبى ارقىلى جەتىپ، تامىر جايعان. ول قوجا احمەت ياسساۋي مەن باحاۋاددين ناقشبانديا جولى. بۇل كەشەگى ءماشھۇر ءجۇسىپ، شاكارىم قۇدايبەردىۇلى، قوجا احمەت ياساۋي، بەكەت اتا سياقتى مىڭداعان اۋليەلەر ۇستانعان حاق جول. وسىنى اشىق ايتۋعا نە كەدەرگى؟ كىمنەن ۇيالامىز؟ كىمنەن قىسىلامىز؟
قازاق دالاسىنداعى ءداستۇرلى ءدىني مەكتەپ دەگەن وسى "يحسان ءىلىمى". ال يحسان دەگەن – تاساۆۆۋف، تاساۆۆۋف دەگەن – تاريقات، تاريقات دەگەن – اتا-بابالارىمىز ۇستانعان سوپىلىق جول.
سوپىلىق ءىلىمى يسلام ءدىننىڭ وزەگى. ويتكەنى ءدىننىڭ رۋحانياتى.  نە بولدىق؟  ءدىننىڭ وزەگىنە بويلاماعان توپاس ءدىندى 30 جىل تىقپالادىق. ماسقارا بولدىق...
كەشەگى ابىز اتامىز تورتقۇلاق اۋليە:
اقيقاتتى اڭىز ەتسەڭ،
ارۋاق سەنى دوڭىز ەتەر.
اقيقاتتى نۇر ەتسەڭ،
ارۋاق سەنى ءپىر ەتەر، دەپ سويىپ سالعان. ال ەندى قايدا باراسىڭ؟
ارۋاق دەسە ورە تۇرەگەلەتىن دىمكاس جاماعاتتىڭ قالىپتاسۋى يحساننىڭ جوقتىعىنان، اتا بابا جولىن تارك ەتكەننەن قالىپتاستى. بۇل ءۇردىس ءتۇبى جاقسىلىققا اپارمايدى.
اسەت بەكتۇر،
"ادىرنا" ۇلتتىق پورتالى 
پىكىرلەر