Ihsan degen ne?
Ihsan – atańnyń basyna baryp fotoǵa túsý emes. Ihsan Hákim Abaıdyń óleńin taqpaq qylyp oqyp berý emes. Ásili:
Qazaq dúnıetanymynda "Ihsan" degen túsinik joq. "Sopylyq" degen uǵym ǵana bar. Sondyqtan halyqtyń dinı dúnıetanymyn shatastyrmaı sopylyq ilimi, tarıqat ilimi dep anyǵyn aıtý kerek.
Al qazaq dalasynda Islam ıhsan iliminiń (sopylyq) eki mektebi arqyly jetip, tamyr jaıǵan. Ol Qoja Ahmet Iassaýı men Bahaýaddın Naqshbandııa joly. Bul keshegi Máshhúr Júsip, Shákárim Qudaıberdiuly, Qoja Ahmet Iasaýı, Beket ata sııaqty myńdaǵan áýlıeler ustanǵan haq jol. Osyny ashyq aıtýǵa ne kedergi? Kimnen uıalamyz? Kimnen qysylamyz?
Qazaq dalasyndaǵy dástúrli dinı mektep degen osy "Ihsan ilimi". Al Ihsan degen – Tasavvýf, Tasavvýf degen – Tarıqat, Tarıqat degen – ata-babalarymyz ustanǵan sopylyq jol.
Sopylyq ilimi ıslam dinniń ózegi. Óıtkeni dinniń rýhanııaty. Ne boldyq? Dinniń ózegine boılamaǵan topas dindi 30 jyl tyqpaladyq. Masqara boldyq...
Keshegi abyz atamyz Tórtqulaq áýlıe:
Aqıqatty ańyz etseń,
Árýaq seni dońyz eter.
Aqıqatty nur etseń,
Árýaq seni pir eter, dep soıyp salǵan. Al endi qaıda barasyń?
Arýaq dese óre túregeletin dimkás jamaǵattyń qalyptasýy ıhsannyń joqtyǵynan, ata baba jolyn tárk etkennen qalyptasty. Bul úrdis túbi jaqsylyqqa aparmaıdy.
Áset BEKTUR,
"Adyrna" ulttyq portaly
