اتىشۋلى ساياساتكەر جانە گرۋزيانىڭ ەكس-پرەزيدەنتى، قازىرگى ۋكراينانىڭ ۇلتتىق كەڭەس رەفورماسىنىڭ جەتەكشىسى ميحايل سااكاشۆيلي قازاقستانداعى بيلىكتىڭ باستى ماسەلەسىن ايتىپ، جارياعا جار سالدى.
AuditoriumQZ YouTube – ارناسىنا بەرگەن سۇحباتىندا ول نەگىزگى ماسەلەلەردى قوزعادى.
اتالمىش يۋتۋب ارنانىڭ جۇرگىزۋشىسى سااكاشۆيليگە “ەگەر ءسىز قازاقستاننىڭ پرەمەر-ءمينيسترى بولساڭىز قايتەر ەدىڭىز؟”-دەگەن گيپوتەتيكالىق سۇراق قويدى. گرۋزيانىڭ ەكس-پرەزيدەنتى بىردەن بيلىكتە مەريتوكراتيا پرينتسيپتەرىن ەنگىزەتىندىگىن ايتتى.
“ەڭ باستىسى مەريتوكراتيا ءسوزىن بوسقا ەسكە الىپ تۇرعان جوقپىن. اشىق بايقاۋ ارقىلى بيلىككە ۇنەمى تالانتى، جاڭا ادامداردى الۋ كەرەك. مەن، ماسەلەن ماعان كەرەك ادامنىڭ بارلىعىن تەك بايقاۋ ارقىلى تاڭداپ الدىم”،- دەدى ول.
سااكاشۆيليدىڭ ايتۋىنشا، بيلىككە كەلگەن ساياساتكەردىڭ بارلىعى ءوز ماڭايىنا تۋىسقاندارىن، تانىستارىن، بىرگە وقىعان سىنىپتاستارى مەن كۋرستاستارىن تارتادى. بۇل ۇردىستەن قوعامعا ەش پايدا جوق.
“بىرىنشىدەن، كەز-كەلگەن ەلدەگى بيلىكتە بولسام مىندەتتى تۇردە – مەريتوكراتيا جۇيەسىنە وزگەرتەم. بارلىق تۋىس-تۋعاننىڭ جۇمىستان كەتۋىنە مۇمكىندىك جاسايمىن”-دەدى سااكاشۆيلي.
ايتۋىنشا، ول گرۋزيانىڭ پرەزيدەنتى جانە باسقا دا مىقتى باسشىلىقتى قولعا العان كەزدە، ونىڭ بىردە-ءبىر تۋىسقانى ساياساتتا مانساپ جاساي الماپتى.
ءتىپتى ول، تۋىسقاندارىنا ادەيى كەدەرگىلەر تۋعىزىپتى. تۋىستارى تالانتتى بولىپ تۇرسا دا، ساياساتتا دا، بيزنەستە دا مانساپ جاساۋعا مۇمكىندىك بەرمەگەن.
“مەنىڭ ويىمشا، قازاقستاندا ءبارى بار. مەريتوكراتيانى ەنگىزگەن كۇندە ادامدار باسقارۋدىڭ ءتيىمدى مودەلىن تابادى. ولار ءبىر-بىرىمەن باسەكەلەسەدى. امبيتسياسى بار ادامدار ەل ءۇشىن جاقسى نارسە جاساۋعا تىرىسادى”، -دەدى گرۋزيانىڭ ەكس-پرەزيدەنتى.
ساياساتكەردىڭ ويىنشا، شەنەۋنىكتەردىڭ بارلىعى سوندا عانا ەلىنە-جەرىنە سۇيىسپەنشىلىكپەن قاراپ، وتباسىن، ءوز كلانىن بيلىككە تارتپايتىن بولادى.
