Atyshýly saıasatker jáne Grýzııanyń eks-prezıdenti, qazirgi Ýkraınanyń ulttyq keńes reformasynyń jetekshisi Mıhaıl Saakashvılı Qazaqstandaǵy bıliktiń basty máselesin aıtyp, jarııaǵa jar saldy.
AuditoriumQZ YouTube – arnasyna bergen suhbatynda ol negizgi máselelerdi qozǵady.
Atalmysh ıýtýb arnanyń júrgizýshisi Saakashvılıge “Eger siz Qazaqstannyń premer-mınıstri bolsańyz qaıter edińiz?”-degen gıpotetıkalyq suraq qoıdy. Grýzııanyń eks-prezıdenti birden bılikte merıtokratııa prınıpterin engizetindigin aıtty.
“Eń bastysy merıtokratııa sózin bosqa eske alyp turǵan joqpyn. Ashyq baıqaý arqyly bılikke únemi talanty, jańa adamdardy alý kerek. Men, máselen maǵan kerek adamnyń barlyǵyn tek baıqaý arqyly tańdap aldym”,- dedi ol.
Saakashvılıdiń aıtýynsha, bılikke kelgen saıasatkerdiń barlyǵy óz mańaıyna týysqandaryn, tanystaryn, birge oqyǵan synyptastary men kýrstastaryn tartady. Bul úrdisten qoǵamǵa esh paıda joq.
“Birinshiden, kez-kelgen eldegi bılikte bolsam mindetti túrde – merıtokratııa júıesine ózgertem. Barlyq týys-týǵannyń jumystan ketýine múmkindik jasaımyn”-dedi Saakashvılı.
Aıtýynsha, ol Grýzııanyń prezıdenti jáne basqa da myqty basshylyqty qolǵa alǵan kezde, onyń birde-bir týysqany saıasatta mansap jasaı almapty.
Tipti ol, týysqandaryna ádeıi kedergiler týǵyzypty. Týystary talantty bolyp tursa da, saıasatta da, bızneste da mansap jasaýǵa múmkindik bermegen.
“Meniń oıymsha, Qazaqstanda bári bar. Merıtokratııany engizgen kúnde adamdar basqarýdyń tıimdi modelin tabady. Olar bir-birimen básekelesedi. Ambıııasy bar adamdar el úshin jaqsy nárse jasaýǵa tyrysady”, -dedi Grýzııanyń eks-prezıdenti.
Saıasatkerdiń oıynsha, sheneýnikterdiń barlyǵy sonda ǵana eline-jerine súıispenshilikpen qarap, otbasyn, óz klanyn bılikke tartpaıtyn bolady.
