بەكبولات قارجان.رەسەيدىڭ قورعانىس ءمينيسترى سەرگەي شويگۋ ناتو-دان ۇرەيلەنىپ وتىر

5663
Adyrna.kz Telegram

 

 

رەسەيدىڭ قورعانىس ءمينيسترى سەرگەي شويگۋ پەنتاگوننىڭ اركتيكاعا سوعىس كەمەلەرىنىڭ سانىن ارتتىرىپ جاتقانى جونىندە مالىمدەمە جاسادى. ونىڭ مالىمدەۋىنشە، سولتۇستىك اتلانتيكا اسكەري اليانسى رەسەيدى سولتۇستىك شەكارا تۇسىنان دا قورشاپ، اسكەري بازاسىن جاقىنداتىپ كەلەدى. شويگۋ مۇنى بۇگىن قورعانىس مينيسترلىگىنىڭ ۆەدومستۆاسىندا ايتتى. ەگەر ءبىز قارسى شارا قولدانباساق، اقش پەن ناتو رەسەيدىڭ ۇلتتىق قاۋىپسىزدىگىنە ايتارلىقتاي قاۋىپ توندىرەدى،  پەنتاگوننىڭ بۇل ارەكەتى حالىقارالىق كيكىلجىڭگە سوقتىقتىرۋى مۇمكىن دەپ ەسكەرتتى.

 

اقش پەن سولتۇستىك اليانستىڭ اۋە جانە تەڭىز اسكەري كۇشتەرىنىڭ  سانى ءبىزدىڭ سولتۇستىك شەكارامىزدا 2020 جىلمەن سالىستىرعاندا 15 پايىزعا ارتقان. قازىر اقش ءوزىنىڭ اسكەرلەرىن گەرمانياعا، پولشاعا، بالتىق ەلدەرىنىڭ تەرريتوريالارىنا بولشەكتەپ ورنالاستىرۋدا. قازىر پەنتاگون اركتيكانى ۋىسىنا ۇستاپ وتىر دەپ مالىمدەدى، رەسەيدىڭ قورعانىس ءمينيسترى.

 

ءدال وسى جاعدايعا بايلانىستى بۇگىن رەسەي باسشىسى ۆ.پۋتين شەكارا تۇسىندا پوستكەڭەستىك ەلدەرمەن بىرلەسكەن «باتىس-2021» اتتى اسكەري دايىندىق وتكىزۋدى تاپسىردى. وعان پوستكەڭەستىك ەلدەردىڭ قاي مەملەكەتتەر قاتىسار ەكەن... وسى جاعى بەلگىسىز بولىپ جاتىر. ايتەۋىر ءبىز قاتىسپاساق دۇرىس بولار ەدى... ءسىز نە دەيسىز؟

 

بەكبولات قارجان،

«ادىرنا» ۇلتتىق پورتالى

پىكىرلەر