جەزقازعاندا جۇمىسقا تۇرعىزامىن دەگەن جەلەۋمەن جابىرلەنۋشىنىڭ 1 ملن 500 مىڭ تەڭگەسىن قالتاسىنا باسقان الاياق ۇستالدى، – دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
15 اقپاندا قاراعاندى وبلىسى جەزقازعان قالاسىنىڭ پوليتسيا باسقارماسىنا 24 جاستاعى قالا تۇرعىنى جۇگىندى. جاس جىگىتتىڭ ايتۋىنشا، ءبىر ازامات ونى بەدەلدى، جالاقىسى جوعارى جۇمىسقا ورنالاستىرۋعا ۋادە بەرگەن. الاياق قىزمەتى ءۇشىن جاس جىگىتتەن 1 ميلليون 500 مىڭ تەڭگە العاننان كەيىن ءىز-ءتۇسسىز جوعالىپ كەتكەن.
جەدەل-ىزدەستىرۋ ءىس-شارالارى بارىسىندا پوليتسيا قىزمەتكەرلەرى وسى ىسكە قاتىسى بار 26 جاستاعى قالا تۇرعىنىن ۇستادى، ول كىناسىن مويىندادى.
سونىمەن قاتار، ونىڭ وسىعان ۇقساس قىلمىستاردىڭ 19 ەپيزودىنا قاتىسى انىقتالدى. بۇل فاكتىلەر بويىنشا قازاقستان رەسپۋبليكاسى قىلمىستىق كودەكسىنىڭ 190-بابىمەن (الاياقتىق) قىلمىستىق ءىس قوزعالدى.
قازىرگى ۋاقىتتا تەرگەۋ امالدارى جۇرگىزىلىپ جاتىر. ۇستالعان ادام ۋاقىتشا ۇستاۋ يزولياتورىنا قامالدى.
«ادىرنا» ۇلتتىق پورتالى
