Jezqazǧanda jūmysqa tūrǧyzamyn degen jeleumen jäbırlenuşınıŋ 1 mln 500 myŋ teŋgesın qaltasyna basqan alaiaq ūstaldy, – dep habarlaidy «Adyrna» tılşısı Polisia.kz-ke sılteme jasap.
15 aqpanda Qaraǧandy oblysy Jezqazǧan qalasynyŋ Polisiia basqarmasyna 24 jastaǧy qala tūrǧyny jügındı. Jas jıgıttıŋ aituynşa, bır azamat ony bedeldı, jalaqysy joǧary jūmysqa ornalastyruǧa uäde bergen. Alaiaq qyzmetı üşın jas jıgıtten 1 million 500 myŋ teŋge alǧannan keiın ız-tüssız joǧalyp ketken.
Jedel-ızdestıru ıs-şaralary barysynda polisiia qyzmetkerlerı osy ıske qatysy bar 26 jastaǧy qala tūrǧynyn ūstady, ol kınäsın moiyndady.
Sonymen qatar, onyŋ osyǧan ūqsas qylmystardyŋ 19 epizodyna qatysy anyqtaldy. Būl faktıler boiynşa Qazaqstan Respublikasy Qylmystyq kodeksınıŋ 190-babymen (Alaiaqtyq) qylmystyq ıs qozǧaldy.
Qazırgı uaqytta tergeu amaldary jürgızılıp jatyr. Ūstalǧan adam uaqytşa ūstau izoliatoryna qamaldy.
«Adyrna» ūlttyq portaly
Ūqsas jaŋalyqtar
