ساتباەۆ قالاسىنىڭ تۇرعىنى نۇربول ابىلقاسوۆ ءبىراز ۋاقىت بۇرىن بۇزاقىلىق ءۇشىن باس بوستاندىعىن شەكتەۋ تۇرىندەگى جازاعا سوتتالعان بولاتىن. جىگىت پروباتسيالىق باقىلاۋدا، دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
الايدا ول پوليتسيا قىزمەتكەرلەرىنە قيىندىق تۋعىزىپ جاتقان جوق، كەرىسىنشە، بەلسەندى ازاماتتىق پوزيتسياسىن كورسەتىپ، اينالاسىنداعىلارعا كومەكتەسىپ ءجۇر.
"كوپبالالى وتباسى جاعدايىن دوستارىمىزبەن جاڭالىقتاردان بىلدىك. ولار تۋىستارىنىڭ ۇيىندە، بۇكىل وتباسى ءبىر بولمەدە تۇرعان. ءسويتىپ ولارعا كومەكتەسۋدى ۇيعاردىق. الدىمەن ءوزىمىز جاعداي كەلگەنشە اقشا جينادىق، سودان كەيىن قاراجات جيناۋدى ۇيىمداستىردىق. الەۋمەتتىك جەلىلەرگە اقپارات ورنالاستىرىپ، قالا دۇكەندەرىنە قايىرىمدىق جاشىكتەرىن قويدىق", - دەدى نۇربول ابىلقاسوۆ.
جىگىتتىڭ ايتۋىنشا، ءبىرىنشى بولىپ تانىستارى مەن تۋىستارى كومەكتەسكەن. كەيىن قالانىڭ جاناشىر تۇرعىندارى مەن ء"بىز بىرگەمىز" ەرىكتىلەرى قوسىلعان. ولار سەگىز ايدا 2,3 ميلليون تەڭگە جيناي الدى. بۇل سوماعا ولار جاڭبىرباەۆتار وتباسى ءۇشىن ەكى بولمەلى پاتەر ساتىپ الدى.
ء"بىز ولارعا پاتەردى بەرىپ قانا قويماي، وندا جوندەۋ جۇمىستارىن جۇرگىزدىك، قولايلى جاعداي جاسادىق. مۇنىڭ ءبارى ساتباەۆ تۇرعىندارىنىڭ ارقاسىندا. كىلت بەرۋ ءراسىمى وتە اسەرلى ءوتتى. ءبىز وتباسىنا ناعىز مەرەكە ۇيىمداستىردىق", - دەدى نۇربول ابىلقاسوۆ.
ەرلى-زايىپتى جاڭبىرباەۆتار بالالارىمەن ءوز پاتەرىنە كوشىپ كىردى، ولار باقىتتى ەكەنىن ءبولىستى. بۇرىن ولار ءوز باسپاناسى تۋرالى ارمانداعان دا ەمەس، سول سەبەپتى مەملەكەتتىك قوردان باسپانا الۋ كەزەگىنە دە تۇرماعان ەكەن.
ء"بىز نۇربول مەن ونىڭ دوستارىنا جانە بىزگە كومەكتەسكەن بارلىق ادامعا وتە ريزامىز. مۇنداي سىيلىق الۋ - ناعىز باقىت. ءبىزدىڭ بالالارىمىز وتە قۋانىشتى", - دەدى سەرىك جاڭبىرباەۆ.
ۆولونتەرلىكتى دامىتۋعا قوسقان ۇلەسى ءۇشىن نۇربول ابىلقاسوۆ قالا اكىمىنەن العىس حات الدى. ول مۇقتاج ادامدارعا ءالى دە كومەكتەسۋگە نيەتتى.
