Sátbaev qalasynyń turǵyny Nurbol Ábilqasov biraz ýaqyt buryn buzaqylyq úshin bas bostandyǵyn shekteý túrindegi jazaǵa sottalǵan bolatyn. Jigit probaııalyq baqylaýda, dep habarlaıdy “Adyrna” ulttyq portaly Tengrinews.kz saıtyna silteme jasap.
Alaıda ol polıııa qyzmetkerlerine qıyndyq týǵyzyp jatqan joq, kerisinshe, belsendi azamattyq pozıııasyn kórsetip, aınalasyndaǵylarǵa kómektesip júr.
"Kópbalaly otbasy jaǵdaıyn dostarymyzben jańalyqtardan bildik. Olar týystarynyń úıinde, búkil otbasy bir bólmede turǵan. Sóıtip olarǵa kómektesýdi uıǵardyq. Aldymen ózimiz jaǵdaı kelgenshe aqsha jınadyq, sodan keıin qarajat jınaýdy uıymdastyrdyq. Áleýmettik jelilerge aqparat ornalastyryp, qala dúkenderine qaıyrymdyq jáshikterin qoıdyq", - dedi Nurbol Ábilqasov.
Jigittiń aıtýynsha, birinshi bolyp tanystary men týystary kómektesken. Keıin qalanyń janashyr turǵyndary men "Biz birgemiz" eriktileri qosylǵan. Olar segiz aıda 2,3 mıllıon teńge jınaı aldy. Bul somaǵa olar Jańbyrbaevtar otbasy úshin eki bólmeli páter satyp aldy.
"Biz olarǵa páterdi berip qana qoımaı, onda jóndeý jumystaryn júrgizdik, qolaıly jaǵdaı jasadyq. Munyń bári Sátbaev turǵyndarynyń arqasynda. Kilt berý rásimi óte áserli ótti. Biz otbasyna naǵyz mereke uıymdastyrdyq", - dedi Nurbol Ábilqasov.
Erli-zaıypty Jańbyrbaevtar balalarymen óz páterine kóship kirdi, olar baqytty ekenin bólisti. Buryn olar óz baspanasy týraly armandaǵan da emes, sol sebepti memlekettik qordan baspana alý kezegine de turmaǵan eken.
"Biz Nurbol men onyń dostaryna jáne bizge kómektesken barlyq adamǵa óte rızamyz. Mundaı syılyq alý - naǵyz baqyt. Bizdiń balalarymyz óte qýanyshty", - dedi Serik Jańbyrbaev.
Volonterlikti damytýǵa qosqan úlesi úshin Nurbol Ábilqasov qala ákiminen alǵys hat aldy. Ol muqtaj adamdarǵa áli de kómektesýge nıetti.
