2023 جىلعا قاراي پەداگوگتەردىڭ جالاقىسى ەكى ەسە ءوسىپ، 330 مىڭ تەڭگەدەن اسادى. بۇل تۋرالى ماجىلىستە «Nur Otan» پارتياسىنىڭ سايلاۋ الدىنداعى مىندەتتەمەلەرىن ىسكە اسىرۋ بويىنشا جول كارتاسىن تالقىلاۋ كەزىندە پرەمەر-مينيستر اسقار مامين مالىمدەدى، دەپ حابارلايدى «ادىرنا» ءتىلشىسى «Qazaqstan» ۇلتتىق ارناسىنا سىلتەمە جاساپ.
«ورتاشا جالاقى جىل سايىن كەمىندە 25 پايىز وسەدى. 2023 جىلعا قاراي ءبىلىم بەرۋ جۇيەسى بىلىكتى مۇعالىمدەرمەن 100 پايىز قامتىلادى»، - دەدى ۇكىمەت باسشىسى.
ايتۋىنشا، ەلىمىزدەگى بارلىق بالالارعا جاقسى تاربيە مەن ساپالى ءبىلىم الۋعا بىردەي جاعداي جاسالادى، تولىققاندى تۇرمىس جاعدايى مەن ءاربىر بالانىڭ قۇقىعىنىڭ قورعالۋىنا كەپىلدىك بەرىلەدى.
3-6 جاس ارالىعىنداعى بالالار مەكتەپكە دەيىنگى تاربيەمەن جانە وقىتۋمەن تولىق قامتىلادى.
اپاتتى جانە ءۇش اۋىسىمدى مەكتەپتەر ماسەلەسىن تولىق شەشۋ ءۇشىن 800 مەكتەپ سالىنادى. بيىل 200 جاڭا مەكتەپ پايدالانۋعا بەرىلەدى.
2025 جىلى اۋىل مەكتەپتەرى ينتەرنەتپەن، كومپيۋتەرلەرمەن جانە وقۋ پروتسەسسىن ۇيىمداستىرۋعا قاجەت تاعى دا باسقا جابدىقتارىمەن قامتاماسىز ەتىلەدى.
«ادىرنا» ۇلتتىق پورتالى
