امەريكا قايتا ورالدى!
America is back!
دجو بايدەننىڭ بيلىگى تۇسىندا الەمنىڭ ساياسي ءارى گەوساياسي پروتسەسىندە قانداي وزگەرىستەر بولۋى مۇمكىن؟ دجو بايدەننىڭ رەسەي مەن قىتايعا قارسى ساياسي ۇستانىمى قاتال بولاتىن سياقتى.
اقش-تىڭ پرەزيدەنتى دجو بايدەن-ءنىڭ جولداۋىنان:
"امەريكانىڭ سىرتقى ساياساتتاعى تسەنتريستتىك ديپلوماتياسى قايتا ورالدى. امەريكا سىرتقى ساياساتتا قىتاي مەن رەسەيدىڭ اۆتوريتارلىق امبيتسياسىنا قارىمدى جاۋاپ بەرەدى. كەتكەن شىعىنىنىڭ ءبارىن تولتىرا الادى.
ءبىز ەندى الەممەن ايبىندى ديپلوماتيالىق قارىم-قاتىناستى باستايمىز. ءبىز امەريكا قۇندىلىقتارىن ساقتايمىز ءارى جەر جاھانعا تسەنتريستتىك پوزيتسيا ۇستانامىز.
اقش رەسەيمەن يادرولىق قارۋ بويىنشا ستراتەگيالىق سەرىكتەستىكتى توقتاتتى. مەن پۋتينگە ءبىزدىڭ ەلدىڭ سايلاۋىنا كيبەر شابۋىل جاساعانى ءۇشىن جاۋاپ بولاتىنىن ەسكەرتىپ ايتتىم. ءبىز ەندى ءوزىمىزدىڭ وداقتاستارىمىزبەن بىرىگىپ، رەسەيگە قارسى ۇستانىمىمىزدى قاتايتامىز. ءبىز ءوزىمىزدىڭ كواليتسياداعى (ناتو-سولتۇستىك اتلانتيكا اسكەري وداعى) مەملەكەتتەردى دە ىمىرامەن جۇمىس جاساۋعا شاقىرامىز.
امەريكا ناۆالنىيدى جاقتايدى، ونىڭ بوساتىلۋىن تالاپ ەتەدى. ءبىز ناۆالنىيدىڭ قامالۋىنا رەسەي بيلىگىن حالىقارالىق قاۋىمداستىقتىڭ الدىندا دا ايىپتى دەپ تانيمىز. ناۆالنىي مىرزانىڭ ساياسي ۇستانىمى رف-نىڭ كونستيتۋتسياسىنا قايشى ەمەس، كەرىسىنشە ەلىندەگى جەمقورلىقتى اشىپ وتىر.
امەريكا الەم حالقىنىڭ ەركىندىگى مەن بوستاندىعىن قورعايدى. ءبىز بارىنە مۇمكىندىك بەرەمىز. امەريكا الەمدىك ساياسي ارەنادا ءوزىنىڭ ساياسي پوزيتسياسىنان اۋىتقىمايدى. امەريكا الەمدەگى اۆتوريتاريزمگە قارسى!"
اقش پرەزيدەنتى دجو بايدەن ءوزىنىڭ تىكەلەي ەفيردەگى جولداۋىندا الەمگە قاتىستى ساياسي پوزيتسياسىن اشىق ايتىپ وتىر. رەسەيدىڭ مۇددەسىن كوزدەگەن ەۋرازيالىق وداققا كىندىگىمەن بايلانىپ قالعان قازاقستانعا رەسەيگە اقش تاراپىنان تونگەن ەكونوميكالىق سانكتسيالار اۋىر تيمەي مە؟ ءسىز نە دەيسىز؟
بەكبولات قارجان،
"ادىرنا" ۇلتتىق پورتالى
