ۇلىبريتانيا ۇكىمەتى ءبىر جىلدىڭ ىشىندە قىتاي ەلىنەن بۇركەمەلەنىپ كەلگەن ءۇش تىڭشىنى ۇستاپ الدى. ولار اعىلشىن ەلىنە جۋرناليست رەتىندە كەلىپ اقپارات جيناماق بولعان. بۇل جايلى Telegraph گازەتى جازدى دەپ حابارلايدى «ادىرنا» ۇلتتىق پورتالى سىلتەمە جاساپ.
لوندون بيلىگىنىڭ ايتۋىنشا، ۇلىبريتانياعا ءجۋرناليستپىز دەپ قىتايدان كەلگەن ءۇش ازامات شىن مانىندە مەملەكەتتىك قاۋىپسىزدىك مينيسترلىگىندە جۇمىس ىستەيتىن ماماندار بوپ شىققان.
ء"تىلشى-تىڭشىلاردىڭ" شىن بەت-بەينەسىن بريتان بارلاۋ قىزمەتىنىڭ ماماندارى اشىپ بەرگەن. قازىر ولار ەلدەن قۋىلدى.
ەندى بريتان ۇكىمەتى تىڭشىلىق جونىندەگى زاڭنامانى قايتا قاراستىرىپ، قاتاڭ شارالار ەنگىزۋدى قۇپتاپ وتىر. بۇل زاڭ قابىلدانار بولسا، وندا شەتەلدىك اگەنتتىك، لوببيست پەن ءتۇرلى ۇيىمداردىڭ بارلىعى ەسەپكە الىنادى. ءارى تىڭشىلىقپەن اينالىسقانى انىقتالسا، اباقتىعا قاماماق.
