وتباسىلىق-تۇرمىستىق زورلىق-زومبىلىققا قارسى زاڭعا قارۋلى جيھاد جاريالاعان قۇربانالى احمەتوۆ ەندى پرەزيدەنت ق.توقاەۆقا ۇندەۋ جاسادى. ۇندەۋدە ول ۇلتتىق قاۋىپسىزدىك كوميتەتىنىڭ قىزمەتكەرلەرىنەن زورلىق كورگەنىن ايتىپ اراشا سۇرادى. قازاقتارعا اياعىن سۇيگىزگەن سوپى قۇربانالى قاجى سونىمەن قاتار ق.توقاەۆقا جاساعان ۇندەۋىندە ءنان مەن ق.توقاەۆتى قۇدايدىڭ جەردەگى كولەڭكەسى دەيتىن شۇكىر-تاۋبەشىل مۇفتيلەر مەن يمامدارعا ماجىلىستەن (پارلامەنت) ارنايى دەپۋتاتتىق ماندات بەرۋ كەرەكتىگىن باسا ايتتى.
مىسالى قىرعىزستاندا عالامتوردا ۆيدەو جاريالاعان، ءدىنشىل بەلسەندى، ياعني پرەزيدەنت سايلاۋىندا كانديداتتىققا ۇمىتكەر مىكتىبەك ارستانبەك "يسلامدى ساياسي مايدانعا تاراتۋدى جانە ادامداردىڭ وعان دەگەن نازارىن اۋدارۋدى" كوزدەيتىنىن ايتىپ،"نۇر" دەگەن ءدىني پارتيا قۇرىپ، زاڭدى تىركەتەتىنىن اشىق ايتقان ەدى. ەڭ قىزىعى وسى مالىمدەمەگە وراي قۇربانالى سوپىنىڭ اتالمىش ءدىني ۇندەۋىنىڭ تۇسپا-تۇس سايكەس كەلگەنى، كەزدەيسوق ەمەس سياقتى. بۇدان قانداي قورىتىندى شىعارۋعا بولادى؟
بۇل قاۋىپتى ءۇردىس قازاقستاندا ورتاعاسىرلىق شاريعاتشىل-ءدىنشىل قاۋىمنىڭ ساياساتقا شىنداپ كىرىسۋى مە، الدە كەيبىر رەاكتسيوندى ءدىني كۇشتەردىڭ كلانارالىق بيلىككە تالاسۋ پروتسەسسى مە؟ سۇراق كوپ، جاۋاپ جوق!؟
تۇراربەك قۇسايىنوۆ،
"دەموس" قوعامدىق بىرلەستىگىنىڭ توراعاسى
(ەسكەرتۋ: اۆتوردىڭ پىكىرى رەداكتسيا كوزقاراسىن بىلدىرمەيدى)
