ەسەپ كوميتەتى ءوزىنىڭ 2020 جىلعى جۇمىسىنىڭ قورىتىندىسىن شىعاردى، دەپ حابارلايدى «ادىرنا» ءتىلشىسى.
توتەنشە جاعداي رەجيمى مەن قاتاڭ كارانتيندىك شەكتەۋلەرگە قاراماستان، كوميتەت 117 وبەكتىدە 18 اۋديتورلىق ءىس-شارا وتكىزگەن. اۋديتپەن 47 تريلليوننان استام تەڭگە قامتىلدى، بۇل 2019 جىلعا قاراعاندا 38%-كە ارتىق جانە 2018 جىلدىڭ ۇقساس كورسەتكىشىنەن 9 ەسە جوعارى.
ناتاليا گودۋنوۆا انىقتالعان بۇزۋشىلىقتاردىڭ ەداۋىر سوماسى 1,8 ترلن. تەڭگە - بيۋدجەت قاراجاتى مەن مەملەكەت اكتيۆتەرىن ءتيىمسىز جوسپارلاۋعا جانە پايدالانۋعا تيەسىلى ەكەنىنە نازار اۋداردى. ال قارجىلىق بۇزۋشىلىقتاردىڭ كولەمى قىسقارعان. ول 2020 جىلدىڭ قورىتىندىسى بويىنشا 81 ملرد تەڭگەنى قۇرادى.
جۇرگىزىلگەن اۋديت قورىتىندىسى بويىنشا 97 لاۋازىمدى ادام تارتىپتىك جاۋاپتىلىققا، 44 لاۋازىمدى (جەكە) تۇلعا جانە 11 زاڭدى تۇلعا اكىمشىلىك جاۋاپتىلىققا تارتىلدى، 31 ماتەريال قىلمىستىق-جازالاۋ ارەكەتى بەلگىلەرىمەن قۇقىق قورعاۋ ورگاندارىنا جولداندى.
«ادىرنا» ۇلتتىق پورتالى
