بالقاش اۋدانىنداعى بالىق شارۋاشىلىعى

2451
Adyrna.kz Telegram

اگرارلى اۋدانىمىزدىڭ نەگىزگى سالاسىنىڭ ءبىرى-بالىق شارۋاشىلىعى بولعاندىقتان، اۋدان كولەمىندە 16 بالىق شارۋاشىلىق سۋبەكتىلەرى بالىق اۋلاۋمەن تۇراقتى تۇردە اينالىسادى.

ىلە وزەنىنىڭ اڭعارلارى مەن بالقاش كولىندە بالىق اۋلاۋدىڭ قىر-سىرىن جەتىك مەڭگەرگەن بالىقشىلار قاۋىمىنا «2020 جىلدىڭ 1 شىلدەسى مەن 2021 جىلدىڭ 1 شىلدەسى ارالىعىندا جانۋارلار دۇنيەسى وبەكتىلەرىن الىپ قويۋ ليميتتەرىن بەكىتۋ تۋرالى «قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار ءمينيسترىنىڭ 2020 جىلعى 5 ماۋسىمداعى №133 بۇيرىعىنا سايكەس 4578 توننا بالىق اۋلاۋ كولەمى ءبولىنىپ بەرىلگەن. وزەن اڭعارى مەن كوكشە تەڭىز بەتىنەن مارجان سۇزگەن بالىقشىلار قاۋىمى بۇگىنگى تاڭعا دەيىن 2868, 5 توننا بالىق اۋلاپ، بيۋدجەت قورجىنىنا 50984.0 (ەلۋ ميلليون توعىز ءجۇز سەكسەن ءتورت)مىڭ تەڭگە قۇيىپ، مەجە بيىگىنەن كورىنۋدە.

«ءسۇزىپ الدا ساتا بەر» دەگەن پيعىلدان اۋلاق بولعان بالىق شارۋاشىلىقتارى وزەن-كولدەردەگى بالىق قورىن كوبەيتۋ بويىنشا 354294 دانا بالىق شاباقتارى جىبەرىلىپ، ناتيجەسىندە 11414 84 (11 ملن ءتورت ءجۇز ون ءتورت مىڭ سەگىز ءجۇز قىرىق تەڭگە) بيۋدجەت قورىنا قۇيىلعان.

وسىلايشا اۋدان كولەمىندە بالىق شارۋاشىلىعى جىل ساناپ دامىپ كەلەدى. مەجە بيىگىنەن شىعۋ جولىندا بالىقشىلار قاۋىمى تاننىڭ اتىسىنان، كۇننىڭ باتىسىنا دەيىن سۋ مارجانىن سۇزۋدەن ەش جالىققان ەمەس.

پىكىرلەر