پرەزيدەنت جوعارعى سوت توراعاسىن قابىلدادى

807

مەملەكەت باسشىسى جوعارعى سوت توراعاسى جاقىپ اسانوۆتى قابىلدادى، دەپ حابارلايدى «ادىرنا» ءتىلشىسى اقورداعا سىلتەمە جاساپ.

پرەزيدەنت قاسىم-جومارت توقاەۆقا سوت جۇيەسىنە اكىمشىلىك ادىلەت مەحانيزمىن ەنگىزۋگە دايىندىق جۇمىستارىنىڭ بارىسى جايىندا باياندالدى.

جوعارعى سوت توراعاسى 2021 جىلدىڭ 1 شىلدەسىنەن باستاپ اكىمشىلىك راسىمدىك-پروتسەسسۋالدىق كودەكس قولدانىسقا ەنگەننەن كەيىن سوتتار مەملەكەتتىك قۇرىلىمدارعا قويىلاتىن تالاپتاردى الەمدىك اكىمشىلىك ادىلەت جۇيەسىنە سايكەس «مەملەكەتتىك ورگاننىڭ كىنالىلىك پرەزۋمپتسياسى» پرينتسيپىمەن قاراستىرا باستايتىنىن جەتكىزدى.

جاقىپ اسانوۆتىڭ ايتۋىنشا، شەتەلدىك تاجىريبە كورسەتكەندەي، اكىمشىلىك ادىلەت جۇيەسىن ەنگىزۋ مەملەكەتتىك اپپاراتتاعى ءتارتىپتى كۇشەيتۋگە، ينۆەستيتسيالىق احۋالدى جاقسارتۋعا جانە ەكونوميكانىڭ وسۋىنە ىقپال ەتەدى.

مەملەكەت باسشىسى اتالعان كودەكس كۇشىنە ەنگەن كۇننەن باستاپ سوتتار جاڭارتىلعان الگوريتم نەگىزىندە، قازاقستاندىق سوت تورەلىگى ءۇشىن تىڭ ءتاسىل بويىنشا جۇمىس ىستەۋگە دايىن بولادى دەپ سەنەتىنىن ايتتى.

پرەزيدەنت ازاماتتاردىڭ جانە كاسىپكەرلەردىڭ قۇقىقتارى مەن مۇددەلەرىن قورعاۋ مەملەكەتتىڭ باستى مىندەتتەرىنىڭ ءبىرى ەكەنىن اتاپ ءوتتى.

«ادىرنا» ۇلتتىق پورتالى

پىكىرلەر
رەداكتسيا تاڭداۋى