كتك ارناسىنان بەرىلەتىن «استارلى اقيقات» توك-شوۋى كەشەلى بەرى جۇرتتىڭ جاپپاي رەنىشىن تۋدىرىپ، «جابىلسىن!» دەگەن تالاپ قويۋىنا تۇرتكى بولدى. كورەرمەننىڭ بۇلاي تالاپ قويۋىنا توك-شوۋدا كورسەتىلگەن «قايىن اتا، قويىن اتا» اتتى شىعارىلىمى سەبەپ بولعان دەپ حابارلايدى «ادىرنا» ۇلتتىق پورتالى.
ماسەلەن، Facebook الەۋمەتتىك جەلىسىندە «استارلى اقيقاتتىڭ» اردان اتتاپ، الىستاپ بارا جاتقانىن تىلگە تيەك ەتكەن الەۋمەت بۇل باعدارلاما ۇلتتىق تامىرىمىزعا بالتا شابۋعا كىرىستى دەپ دابىل قاعۋدا. نازارلارىڭىزعا بىرنەشە ازاماتتىڭ پىكىرىن وزگەرتۋسىز ۇسىنىپ وتىرمىز.
حالقىم رەنجىمەسىن. كتك تەلەارناسىنداعى، "استارلى اقيقات" باعدارلاماسىن كورىپ، قاسيەتتى تۇركىستاندا ازعىندار تۇرا ما دەپ قالاسىڭ؟
كاملەت جاسقا تولماعان قىزدى زورلاعان، ەنەسى مەن كەلىنى دۇنيە بولىسە الماعان، تاعىسىن تاعى. ەندى بۇگىنگى شىعارىلىمى تىپتەن سۇمدىق. قايىن اتاسى كەلىنىمەن توسەكتەس بولىپ، قاشىپ كەتكەن. نە دەگەن سۇمدىق. مەن اشۋدان ءوز ويىمدى جەتكىزە الماي وتىرمىن.
سوندا تۇركىستان وبلىسىندا قوعامدىق تاربيەمەن اينالىساتىن ەشكىم جوق پا؟ اقساقالدار مەن اق جاۋلىقتى اجەلەرىمىز قايدا؟ اكىمشىلىك قايدا؟ بۇنداي باعدارلامالاردىڭ تۇسىرىلۋىنە نەگە جول بەرەسىزدەر؟
استارلى اقيقاتتىڭ رەداكتورى مەن جۇرگىزۋشىسى حايپ پا، الدە وسىنداي سەكسۋالدى تاقىرىپتاردان كايف الاسىزدار ما؟ نەگە كەيىپكەرلەردىڭ كوبى وڭتۇستىكتەن؟ سوندا ول جاقتا وڭشەڭ سەكسۋالدىق سيپاتتاعى پروبلەمالار عانا بارما ەكەن؟ نامىستى جاستار قايدا؟ استارلى اقيقات باعدارلاماسىنا شەكتەۋ قويۋ كەرەك!
دينا تولەپبەرگەن رەيتينگ ءۇشىن ءولدىڭ بە؟ كىم جازىپ بەرسە دە 18 ملن حالىقتىڭ الدىندا ۇياتسىز سۇراقتاردى قالاي قوياسىز، اۋزىڭىز قيسايماي؟ "نازاكات، ايتىپ بەرشى كەرىم ەكەۋىڭ قالاي بولدىڭدار؟" دەپ قايتا-قايتا سۇرايدى. سوندا ول قانداي جاۋاپ ەستىگىسى كەلىپ تۇر... ك..ءتتىڭ پروبلەماسى كتك كانالىنىڭ وزەكتىلىگىنە اينالعانداي. بۇگىنگى قويىن اتا تاقىرىبىنداعى باعدارلامانى كورىپ جاعامدى ۇستاپ وتىرمىن. ەشقانداي ءمان-ماعاناسى جوق، ارسىز باعدارلاما. مەن ەرتەڭ كورسەتىلەتىن باعدارلامانىڭ جالعاسىن كورسەتىلۋگە قارسىمىن».
ۆەنەرا راحيمبەكوۆا: دۇرىس ايتاسىز،ار-وجدان جۇرداي باعدارلامالاردى جابۋ كەرەك،نە ءتالىم-تاربيە بەرەدى.وداندا حالىقتىڭ باس اۋىرتاتىن باسقا پروبلەمالارى كوپ ەمەس پە.مەن ءوزىم وسىنداي باعدارلامالارعا تۇبەگەيلى قارسىمىن
جانار جۋنيسوۆا:جامان ۇيالدىم بالالارىمنان.وتە ۇيات باعدارلاما.جاقسى جاعىن ايتپاي،جەكە باستىڭ پروبلەماسىن قوزعاپ تۇركىستان سياقتى كەرەمەت شاھاردىڭ قادىرىن كەتىرىپ جاتقانىن بايقاماي ما؟نەشە ءتۇرلى ادام بار قوعامدا،ولاردىڭ اقىل-ويلارىنىڭ سايازدىعىنا،مادەنيەتتەرىنىڭ تومەندىگىنە بولا باسقا تۇركىستاندىقتارعا كوزقاراستى وزگەرتىپ جاتىر.الدە تۇركىستانعا دەگەن جامان پىكىر قالىپتاستىرۋ ما ماقساتتارى.كەيىن استانا بولسىن دەگەن كەزدە،ءبارى قارسى بولىپ ورە تۇرەگەلسىن دەگەن ويمەن جاساپ جاتىر ما؟
وميرباي دوزانوۆ: بۇلدا ءبىر ستراتەگيا ەمەسپا
ويلاپ قاراڭدارشى
قانىمىز تازا قازاقپىز دەگەندەرگە فاكت كورسەتىپ جاتقان جوقپا،
قايماعى بۇزىلماعان قازاقتىڭ اراسىنا ىرىتكى سالۋ ەمەسپا.
قالاۋلىم مەن
وسى دينانىڭ كورسەتۋلەرىنە شەكتەۋ نەگە قويىلمايدى.
باقىتتى دەنساۋلىققىزى:قاي ۇلت بولماسىن، ەرتەڭ باعدارلامانىڭ 2 -ءبولىمى كورسەتىلمەسىن. ول جەردە ەنەسىمەن بولعاندىعى تۋرالى ازعىندىق ايتىلادى ەكەن. كىمنىڭ داۋىسى جەتەدى، ايتىڭىزدارشى. بىلمەيمىن، تۇركىستان وبلىسىنىڭ مادەنيەت باسقارماسى نەمەسە ىشكى ساياسات باعدارلاماسىنا ايتۋ كەرەك شىعار. ساكەن مايعازيەۆكە دە جەتكىزۋ كەرەك. توقتاۋ قويسىن.
بيكان كادىلجانوۆا:اقيقاتتى ايتامىن دەپ ، قازاقتىڭ جاستارىن بۇلدىرەتىن،كەلەشەك ۇرپاقتى ارسىزدىققا يتەرمەلەيتىن شوۋعا اينالدى. ءسىز قازاقتىڭ ءوز سالت ءداستۇرى ،ۇستانىمى بارىن بىلە تۇرا ،شەت ەلدىڭ باعدارلاماسىنىڭ كوشىرمەسىن تىقپالايسىز،مىقتى بولساڭىز ،كوركەيتەمىن ،قازاعىم دەسەڭىز سول ءوز ۇلتىمىزعا ساي جاڭا تۋىندى باعدارلاما جاساڭىز .قارسىمىن مىناداي باعدارلاماڭىزعا.
اكنۋر تۋركەستانباەۆا:قارسىمىن، ءمان ماعىناسى جوق، كورپەنىڭ استىنداعى تىرلىكتەن باسقا ايتارى مەن كورسەتەرى قالماعان سياقتى. سوعان كەيىپكەرلەردە ۇيالماي شىعا بەرەدى. شاماسى اقشا تولەنسە كەرەك. قازىر قوعام اقشا تابۋدى عانا ويلاپ كەتتى ما دەيسىڭ. ەلدىڭ وسىنداي تومەن دەڭگەيگە جەتۋىن قاراستىراتىن ادام جوق.
فوتو اشىق دەرەككوزدەن الىندى.
