24 قاڭتاردا اتىراۋ وبلىسى قىزىلقوعا اۋدانى ساعىز اۋىلىندا 35 جاستاعى كەلىنشەك جاڭا تۋعان ءسابيىن قوقىس جاشىگىنە تاستاعان، دەپ حابارلايدى «ادىرنا» ءتىلشىسى اقجايىق باسىلىمىنا سىلتەمە جاساپ.
قانى توقتاماعان كەلىنشەككە كومەككە كەلگەن جادەل جاردەم قىزمەتكەرلەرى ونىڭ جاس بوسانعانىن انىقتايدى. بىراق ۇيدەن شاقالاقتى تاپپاعاسىن، ءتارتىپ ساقشىلارىنا حابار بەرگەن. كوپ كەشىكپەي، جانسىز شاقالاقتى ءۇيدىڭ ماڭىندا 100 مەتردەي جەردەگى قوقىس جاشىگىنەن تابىلادى. ونىڭ تولىققاندى، بيولوگيالىق جەتىلگەنى انىقتالدى.
كەلىنشەكتىڭ زاڭدى نەكەدەگى جارى مەن ءتورت بالاسى بار. بىراق بۇل جولى جۇكتىلىگىن جاسىرىپ، ءوز ءۇيىنىڭ اجەتحاناسىندا بوسانىپ قالعان.
وسى وقيعاعا قاتىستى قىلمىستىق ءىس قوزعالىپ، تەرگەۋ ءجۇرىپ جاتىر.
«ادىرنا» ۇلتتىق پورتالى
