بيلل گەيتس: كەلەسى تولقىن COVID-19-دان 10 ەسە قاۋىپتى بولادى

6987
Adyrna.kz Telegram

مايكروسوفت كومپانياسىنىڭ نەگىزىن قالاۋشى، ميللياردەر جانە فيلانتروپ بيلل گەيتس الەم پاندەميانىڭ كەلەسى تولقىنىنا دايىن ەمەس دەپ سانايدى. ونىڭ ايتۋىنشا، ول COVID-19-دان ون ەسە قاۋىپتى بولۋى مۇمكىن، دەپ حابارلايدى «ادىرنا» «ريا نوۆوستيگە» سىلتەمە جاساپ.

"ەكى جىلدان كەيىن جاعداي باسقاشا بولادى دەپ ۇمىتتەنەمىن. ۆاكتسينالار، تەستتەر، ءدارى — دارمەكتەر، ەپيدەميولوگيا، مونيتورينگ كومەگىمەن كوپ نارسەنى جاساۋعا بولادى", - دەدى كاسىپكەر گەرمانيانىڭ Süddeutsche Zeitung باسىلىمىنا بەرگەن سۇحباتىندا.

گەيتستىڭ پىكىرىنشە، كوروناۆيرۋس جەر سىلكىنىسى، تورنادو نەمەسە كليماتتىڭ وزگەرۋىمەن بىردەي دارەجەدە كۇندەلىكتى ءومىردىڭ ءبىر بولىگىنە اينالعان.

"ۇكىمەتتىڭ مىندەتى – ازاماتتاردى وسى وقيعالاردان قورعاۋ. ەگەر دايىندىق ءبىرشاما جاقسى بولسا، وسى پاندەميا كەزىندە ۇلكەن ايىرماشىلىق سەزىلەتىن ەدى", — دەدى ول.

«ادىرنا» ۇلتتىق پورتالى

پىكىرلەر