Maıkrosoft kompanııasynyń negizin qalaýshy, mıllıarder jáne fılantrop Bıll Geıts álem pandemııanyń kelesi tolqynyna daıyn emes dep sanaıdy. Onyń aıtýynsha, ol COVID-19-dan on ese qaýipti bolýy múmkin, dep habarlaıdy «Adyrna» «Rıa Novostıge» silteme jasap.
"Eki jyldan keıin jaǵdaı basqasha bolady dep úmittenemin. Vakınalar, testter, dári — dármekter, epıdemıologııa, monıtorıng kómegimen kóp nárseni jasaýǵa bolady", - dedi kásipker Germanııanyń Süddeutsche Zeitung basylymyna bergen suhbatynda.
Geıtstiń pikirinshe, koronavırýs jer silkinisi, tornado nemese klımattyń ózgerýimen birdeı dárejede kúndelikti ómirdiń bir bóligine aınalǵan.
"Úkimettiń mindeti – azamattardy osy oqıǵalardan qorǵaý. Eger daıyndyq birshama jaqsy bolsa, osy pandemııa kezinde úlken aıyrmashylyq seziletin edi", — dedi ol.
«Adyrna» ulttyq portaly
