تايۆاننىڭ قورعانىس مينيسترلىگى سەگىز قىتايلىق بومباردير مەن ءتورت جويعىش ۇشاق ەلدىڭ اۋە شابۋىلىنا قارسى قورعانىس ايماعىنا كىرگەنىن حابارلادى. وسىلايشا، ەل بيلىگىنىڭ مالىمەتىنشە، ەكىنشى كۇنى قىتايلىق اسكەري ۇشاقتار جاپپاي باسىپ كىرگەن، - دەپ حابارلايدى Reuters-كە سىلتەمە جاساعان Tengrinews.kz.
فورموز جاعالاۋىندا H-6K سەگىز ءبومبارديرى مەن J-16 جويعىش ۇشاعى پايدا بولعان. تايۆاننىڭ اسكەريلەرى شەتەلدىك ۇشاقتارعا ەسكەرتۋ جاساپ، شابۋىلداردى باقىلاپ جانە ەسكەرتۋ ءۇشىن زىمىراندار ورنالاستىرىلدى. سونىمەن قاتار، اسكەري ۇشاقتار اۋەگە كوتەرىلدى.
ايتا كەتەيىك، بەيجىڭ تايۆان ءوزىنىڭ تەرريتورياسى دەپ سانايدى. وسىعان بايلانىستى قىتايدىڭ اسكەري-اۋە كۇشتەرى بىرنەشە رەت ارالدىڭ وڭتۇستىك بولىگى مەن وڭتۇستىك قىتاي تەڭىزىندەگى پراتاس ارالدارى اراسىندا ءجيى رەيستەر جاساعان.
"جاۋىنگەرلىك ۇشاقتار اۋەگە كوتەرىلدى، ءبىز راديو ەسكەرتۋلەر جاساپ، باقىلاۋ ءۇشىن زەنيتتىك-زىمىران جۇيەلەرىن ورنالاستىردىق", - دەلىنگەن حابارلامادا.
قىتايدا ءالى تۇسىنىكتەمە بەرمەگەن. بۇعان دەيىن بەيجىڭ ەلدىڭ ەگەمەندىگى مەن قاۋىپسىزدىگىن قورعاۋ ءۇشىن جاتتىعۋلار وتكىزىپ جاتقانىن حابارلاعان بولاتىن.
