20 گەكتاردان استام قىرعىز جەرى قازاقستانعا ءوتىپ كەتكەن

2980
Adyrna.kz Telegram

شۋ وزەنىنىڭ ارناسىنىڭ وزگەرۋى 20 گەكتاردان استام قىرعىز جەرىنىڭ قازاقستانعا وتۋىنە سەبەپ بولدى، دەپ حابارلايدى «ادىرنا» ءتىلشىسى. بۇل تۋرالى شۋ وبلىسىنداعى وكىلەتتى وكىل ميربەك مياروۆتىڭ ميليانفان ايماعىنا جوسپارلانباعان ساپارى كەزىندە بەلگىلى بولدى.

Turmush باسىلىمىنىڭ ايتۋىنشا، ىستىقكول اۋدانىنىڭ اكىمى رۋسلان تايعاشقاەۆ ءتيىستى قۇرىلىمداردىڭ باسشىلارىمەن بىرگە سول جەردە وكىلەتتى وكىلگە اقپارات بەرگەن. اتاپ ايتقاندا، ول 20 گەكتاردان استام جەر وزەن ارناسىنىڭ وزگەرۋىنە بايلانىستى قازاقستاندىق تاراپقا وتكەنىن حابارلاعان.

وسىدان كەيىن م.مياروۆ جاعالاۋدى نىعايتۋ جۇمىستارىن جۇرگىزىپ جاتقان جەكە كاسىپكەر نۇرجان شايلوبەكوۆتىڭ اتقارىپ جاتقان ىستەرىمەن تانىستى. سونىڭ كومەگىمەن 1 گەكتاردان استام جەردى قىرعىزستان تاراپىنا قايتارىلعان.

"جىل سايىن تجم تاراپىنان جاعالاۋدى نىعايتۋ جۇمىستارى جۇرگىزىلەدى، بىراق سۋ تاسقىنى كەزەڭىندە وزەن ارناسى ءالى دە وزگەرەدى", - دەلىنگەن حابارلامادا.

«ادىرنا» ۇلتتىق پورتالى

پىكىرلەر