ماتادان جاسالعان ماسكالار كوروناۆيرۋستىڭ جاڭا شتامىنا قارسى ءتيىمسىز بولۋى مۇمكىن دەپ حابارلايدى «ادىرنا» ۇلتتىق پورتالى حابار 24-كە سىلتەمە جاساپ.
بۇل تۋرالى فرانتسيا دەنساۋلىق ساقتاۋ ءمينيسترى وليۆە ۆەران مالىمدەدى. ول ۆيرۋستان ەڭ جاقسى ارنايى مەديتستسيانالىق ماسكالار قورعايتىنىن ەرەكشە اتاپ كەتتى. ايتا كەتەر جايت، بۇگىندە فرانتسيادا بارلىق قوعامدىق ورىنداردا بەتپەردە تاعۋ مىندەتتەلگەن. "مەديتسينالىق ماسكالار ءوز تيىمدىلىگىن دالەلدەدى. ولار وكپەگە تۇسەتىن اۋانىڭ 90 پروتسەنتىن فيلترلەيدى. وسىلاي ۆيرۋستاردىڭ ادام اعزاسىنا ەنۋىنە جول بەرمەيدى. ال ۇيدە ماتادان جاسالعان بەتپەردەلەرگە ونداي سەنىم جوق",- دەدى
فرانتسيا دەنساۋلىق ساقتاۋ ءمينيسترى وليۆە ۆەران. ايتا كەتەيىك، تۇركىستان وبلىسىندا كوروناۆيرۋسقا قارسى ەكپە مەديتسينا قىزمەتكەرلەرىنەن باستاپ سالىنادى. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگىدە وبلىستىق قوعامدىق دەنساۋلىق ساقتاۋ باسقارماسىنىڭ باسشىسى مارات پاشيموۆ ايتتى. ونىڭ سوزىنشە، وڭىردە پاندەميانىڭ ىقتيمال ەكىنشى تولقىنىندا اۋرۋدىڭ تارالۋىن بولدىرماۋ ماقساتىندا ءتيىستى شارالار قولعا الىنىپ جاتىر. وسىعان بايلانىستى ايماقتا 1 اقپاننان باستاپ كوروناۆيرۋسقا قارسى ەكپە جۇمىستارى جۇرگىزىلمەك.
وسىعان بايلانىستى ايماقتا 1 اقپاننان باستاپ كوروناۆيرۋسقا قارسى ەكپە جۇمىستارى جۇرگىزىلمەك. پاشيموۆ قازىرگى ۋاقىتتا وبلىس بويىنشا 610 ينفەكتسيالىق جانە 340 كارانتيندىك توسەك-ورىن ۇيىمداستىرىلعانىن جەتكىزدى. بۇگىندە ينفەكتسيالىق توسەك-ورىندار سانىنىڭ جۇكتەمەسى - 23,6%، كارانتيندىك توسەك-ورىننىڭ جۇكتەمەسى - 13%-دى قۇراپ وتىر، دەيدى ول.
