قازنەتتە دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا، بالانىڭ ۆاكتسيناتسيالاۋ كۇنى مەكتەپتە بولۋى ۆاكتسيناتسيالاۋعا بەرىلگەن كەلىسىمگە تەڭ دەگەن حابارلاما تارادى، - دەپ جازادى Stopfake.kz. دەرەككوز مالىمەتىنشە، شىن مانىندە، حابارلاما اۆتورى سۇيەنىپ وتىرعان ءماتىندى ددۇ 2014 جىلى جاريالاعان جانە ونىڭ COVID-19 پاندەمياسىنا نەمەسە وسى اۋرۋعا قارسى ۆاكتسيناتسيالاۋعا ەش قاتىسى جوق دەپ جازادى Tengrinews.kz.
"سونداي-اق، بۇل قۇجات ءىس-قيمىل نۇسقاۋلىعى نەمەسە ەرەجەلەر جيىنتىعى ەمەس. تاراتىلىپ جاتقان پوستتا ۇسىنىلعان دايەكسوزدەن الىنعان ابزاتستىڭ تاقىرىبىندا: "ۆاكتسيناتسيالاۋعا كەلىسىم الۋدىڭ كەڭ تارالعان جولدارى" دەلىنگەن. ودان ءارى ماتىندە ءار ءتۇرلى ەلدەردە قولدانىلاتىن جازباشا، اۋىزشا جانە بولجالدى كەلىسىم الۋ ستاندارتتارى سيپاتتالعان", - دەپ جازادى باسىلىم.
قازاقستاندا بالانىڭ ۆاكتسينالاۋ كۇنى مەكتەپتە بولۋى پروتسەدۋراعا بەرىلگەن كەلىسىم رەتىندە قاراستىرىلمايتىنى ايتىلادى.
"2020 جىلعى 7 شىلدەدەگى "حالىق دەنساۋلىعى جانە دەنساۋلىق ساقتاۋ جۇيەسى تۋرالى" كودەكسكە سايكەس، قر كەز كەلگەن ازاماتى "ەمدەلۋگە جانە باسقا دا مەديتسينالىق ارالاسۋلاردى، ونىڭ ىشىندە پروفيلاكتيكالىق ەگۋلەردى جۇرگىزۋگە حاباردار ەتىلگەن كەلىسىم بەرۋگە نەمەسە ولاردان باس تارتۋعا" قۇقىلى.
بۇدان باسقا، 16 جاستاعى جانە ودان اسقان بالالاردىڭ پروفيلاكتيكالىق جانە كونسۋلتاتسيالىق-دياگنوستيكالىق كومەك كورسەتىلۋىنەن حاباردار تۇردە باس تارتۋعا قۇقىلى. قورىتا ايتقاندا، تاراپ جاتقان اقپارات جالعان جانە COVID-19-عا قارسى ۆاكتسينالاۋعا دا، قازاقستانعا دا ەش قاتىسى جوق", - دەلىنگەن حابارلامادا.
