قازاق كينوسىنىڭ التىن قورىنان ويىپ تۇرىپ ورىن العان "تاقيالى پەرىشتە" كينوفيلمىندەگى تايلاقتىڭ ءرولىن سومداعان اكتەر الىمعازى رايىمبەكوۆ دۇنيەدەن ءوتتى، دەپ حابارلايدى «ادىرنا» ءتىلشىسى.
الىمعازى رايىمبەكوۆ 1936 جىلى 1 جەلتوقساندا الماتى وبلىسىندا دۇنيەگە كەلگەن. العاشقى ەڭبەك جولىن اۋىلدا جۇرگىزۋشى بولىپ باستاعان. 1965 جىلى العاشقى «ءان قاناتىندا» ءفيلمىنىڭ سپورتتىق ءىس-شارالارىنا شاقىرتۋ الادى. 1966 جىلى «قيلى كەزەڭ» فيلمىنە تۇسەدى. 1968 جىلى قازاق كينوسىنىڭ التىن قورىنان ويىپ تۇرىپ ورىن العان «تاقيالى پەرىشتە» (رەجيسسەرى شاكەن ايمانوۆ) كينوفيلمىندەگى تايلاقتىڭ ءرولىن سومدايدى. بۇدان بولەك، «كوگىلدىر تاكسي»، «قان مەن تەر» سەكىلدى وننان اسا فيلمگە تۇسكەن.
«ادىرنا» ۇلتتىق پورتالى
