الماتىدا ءوزىن مەديتسينا قىزمەتكەرى رەتىندە تانىستىرعان ايەل بالاسىزداردى بەدەۋلىكتەن ەمدەۋگە ۋادە بەرگەن، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
ءىس جۇزىندە 1986 جىلعى ن.ەسىمدى ازاماتشا قحر تۋماسى، ىزدەۋدەگى قىلمىسكەر. ول – بۇرىن سوتتالعان.
– ءبىزدىڭ الماتى وبلىسىنداعى ارىپتەستەرىمىز الاياقتىق جاساعانى ءۇشىن ن.ازاماتشانى ىزدەگەنى انىقتالدى. بەلگىلى بولعانداي، سوت بيلىگىنەن جاسىرىنىپ جۇرگەن قىلمىسكەر تاعى بىرنەشە زاڭسىز ارەكەتتەردى جاساعان. ءوزىن مەديتسينالىق مەكەمەلەردىڭ ءبىرىنىڭ قىزمەتكەرى رەتىندە تانىستىرعان ول، ازاماتتارعا بەدەۋلىكتى ەمدەۋگە جانە گينەكولوگيا سالاسىنداعى باسقا دا اۋىر مەديتسينالىق مانيپۋلياتسيالارعا ۋادە بەردى، ول ءۇشىن الدىن-الا جومارت سىياقى تالاپ ەتتى. زارداپ شەككەندەرمەن كەزدەسكەن كەزدە ايەل ءوزىن “التىناي” دەپ تانىستىردى. ول قالاي سەندىرۋ كەرەكتىگىن ءبىلدى، سوندىقتان الەۋەتتى پاتسيەنتتەر قۋلىقتى سەزبەدى جانە ونىڭ شارتتارىمەن كەلىستى. قازىرگى ۋاقىتتا كۇدىكتى قاماۋدا. سوتقا دەيىنگى تەرگەۋ قر قك-ءنىڭ 190 بابى بويىنشا جۇرگىزىلۋدە. ءبىز ونى ودان باسقا بىرقاتار الاياقتىق ارەكەتتەر جاسادى دەپ كۇدىكتەنەمىز، سوندىقتان ونىڭ بەتىن كوپشىلىككە جاريا ەتەمىز.، – دەدى تۇركىسىب اۋداندىق پب جانىنداعى پوليتسيا ءبولىمىنىڭ باستىعى ەرلان ايانباەۆ.
«ادىرنا» ۇلتتىق پورتالى
