ەسىرتكىگە قارسى كۇرەس

4245
Adyrna.kz Telegram

ناشاقورلىق – الەۋمەتكە ورتاق پروبلەما، قوعامنىڭ دەرتى. جەر بەتىندە ميلليونداعان ومىرلەردى الىپ كەتىپ جاتقان بۇل اۋرۋ الەمدىك تراگەديا، ءوز اۋقىمى جاعىنان دۇنيەجۇزىلىك سوعىستارمەن تەڭ.    ار قوعامنىڭ ءوزiنiڭ باس اۋىرتار iرi-iرi ماسەلەسi بولادى. قوعام وركەندەپ ادام وي-ساناسى دامىعان سايىن وعان تونەر دەرت كەسەل دە عالاماتتاي قۋاتتانىپ، بوي بەرمەس باس اساۋداي كۇشەيە تۇسەتiن ءتۇرi بار. وكiنiشتiسi سول، قاراپ وتىرساڭىز وسىنداي ەم قونبايتىن كەسەلدi, دەرتتەردi ادامدار وزدەرi ويلاپ تابادى.

ناشاقورلىق (گرەك تىلىندە narcomania - قۇمارتۋ) – ەسىرتكى زاتتارىنا پاتالوگيالىق قۇمارلىق. ناشاقورلىق– بۇكىل قوعامنىڭ قاسىرەتى، بولاشاعىمىزعا قاۋىپ ءتوندىرىپ تۇرعان ىندەت.ەسىرتكىنى قولدانۋدىڭ جانە وعان كىرىپتار بولۋدىڭ زاردابى سول: ودان قۇتىلۋ مۇمكىن ەمەس.ناشاقورلىققا كوبىنەسە جاسوسپىرىمدەر شالدىعادى، الايدا وسى كەزدە ەرەسەكتەر اراسىندا دا ەسىرتكىنىڭ تۇزاعىنا ءتۇسىپ قالعان ادامدار كوبەيىپ كەلەدى. ناشاقورلىق–جەكە تۇلعانىڭ تولىق بۇزىلۋى. ناشاقورلىقتى ەمدەۋمەن اينالىساتىن ماماندار ونى «بيوپسيحوالەۋمەتتىك رۋحاني» بۇزىلىس دەپ اتايدى. ياعني ەسىرتكىگە تاۋەلدى ادام بىرتە-بىرتە ءوزىن-ءوزى سىيلاۋدى جوعالتادى: ءوزىنىڭ ادامگەرشىشىك قاسيەتتەرىن جويادى، پسيحيكاسى قالىپتى بولمايدى، دوستارىنان، وتباسىنان ايىرىلادى، ماماندىق الا المايدى جانە قورشاعان ادامدارعا، وزىنە زيان كەلتىرەدى.  ادام بالاسىن تۋرا جولدان تايدىراتىن، كۇللى ءومىرىن تاس-تالقان ەتەتىن ناشاقورلىق دەرتى حالىققا، قوعامعا، مەملەكەتكە قاۋىپ توندىرەتىنى ءسوزسىز. ودان زارداپ شەككەن تاعدىرلار قانشاما! ەندى ولار ءوزىنىڭ ءباز-باياعى ومىرلەرىنە ورالا الا ما، ورالا الماي ما. ارينە، دەر كەزىندە ەس جيىپ، «ادام» بولىپ كەتكەندەرى دە بار. بىراق، بىراق… مۇنداي كەسەلدىڭ شارباعىنا ءبىر كىرگەن سوڭ، ودان قاشىپ قۇتىلا المايتىنىڭ انىق. كۇندەردىڭ كۇنىندە ءوزىنىڭ ۋىتىمەن، شەڭگەلىمەن شىرماپ الارى حاق. نە ىستەمەك كەرەك؟ وڭ-سولىن تانىپ ۇلگەرمەگەن جاستاردى، ۇرپاقتى ساقتاۋىمىز قاجەت.
توقسان اۋىز ءسوزدىڭ توبىقتاي ءتۇيىنىن ايتقاندا، ەسىرتكىمەن كۇرەسىپ قانا قويماي، ونى بولدىرماۋدىڭ، الدىن الۋدىڭ جولدارىن ىزدەۋىمىز كەرەك.  ناشاقورلىق قوعام دەرتى. ناشاقورلىقپەن كۇرەسۋگە جالعىز ادامنىڭ شاماسى كەلمەيدى. بۇل جەردە زاڭ ساقشىلارى، ناركولوگ ماماندار، اتا-انالار جانە سىزدەر مەن بىزدەر ءاربىر قازاقستان ازاماتى شەتتە قالماۋ كەرەك. عاسىر دەرتىمەن كۇرەسۋ كەرەك. دۇنيەدەگى ەڭ قىمبات نارسە ول - سەنىڭ ءومىرىڭ. سەنىڭ ءومىرىڭ ول ءوز قولىڭدا. ءسوزىمدى مىنا ولەڭ شۋماعىمەن اياقتاعىم كەلەدى:

جاقىنداما ناشا دەگەن تاجالعا،
جاس ءومىردى يتەرەتىن اجالعا.
ءوز ءومىرىڭ ءوز قولىڭدا، ەي، دوستىم!
دەنساۋلىقتىڭ قادىرىن ءبىل، باعالا!

 #67 ورتا مەكتەپ

ءىدىرىسوۆا ارايلىم، ارال اۋدانى

#وپد ەققIقببايقاۋىنا

#ناكونكۋرسۋپددپكزو

پىكىرلەر