Nashaqorlyq – áleýmetke ortaq problema, qoǵamnyń derti. Jer betinde mıllıondaǵan ómirlerdi alyp ketip jatqan bul aýrý álemdik tragedııa, óz aýqymy jaǵynan dúnıejúzilik soǵystarmen teń. Ár qoǵamnyń óziniń bas aýyrtar iri-iri máselesi bolady. Qoǵam órkendep adam oı-sanasy damyǵan saıyn oǵan tóner dert kesel de ǵalamattaı qýattanyp, boı bermes bas asaýdaı kúsheıe túsetin túri bar. Ókinishtisi sol, qarap otyrsańyz osyndaı em qonbaıtyn keseldi, dertterdi adamdar ózderi oılap tabady.
Nashaqorlyq (grek tilinde narcomania - qumartý) – esirtki zattaryna patalogııalyq qumarlyq. Nashaqorlyq– búkil qoǵamnyń qasireti, bolashaǵymyzǵa qaýip tóndirip turǵan indet.Esirtkini qoldanýdyń jáne oǵan kiriptar bolýdyń zardaby sol: odan qutylý múmkin emes.Nashaqorlyqqa kóbinese jasóspirimder shaldyǵady, alaıda osy kezde eresekter arasynda da esirtkiniń tuzaǵyna túsip qalǵan adamdar kóbeıip keledi. Nashaqorlyq–jeke tulǵanyń tolyq buzylýy. Nashaqorlyqty emdeýmen aınalysatyn mamandar ony «bıopsıhoáleýmettik rýhanı» buzylys dep ataıdy. Iaǵnı esirtkige táýeldi adam birte-birte ózin-ózi syılaýdy joǵaltady: óziniń adamgershishik qasıetterin joıady, psıhıkasy qalypty bolmaıdy, dostarynan, otbasynan aıyrylady, mamandyq ala almaıdy jáne qorshaǵan adamdarǵa, ózine zııan keltiredi. Adam balasyn týra joldan taıdyratyn, kúlli ómirin tas-talqan etetin nashaqorlyq derti halyqqa, qoǵamǵa, memleketke qaýip tóndiretini sózsiz. Odan zardap shekken taǵdyrlar qanshama! Endi olar óziniń báz-baıaǵy ómirlerine orala ala ma, orala almaı ma. Árıne, der kezinde es jıyp, «adam» bolyp ketkenderi de bar. Biraq, biraq… mundaı keseldiń sharbaǵyna bir kirgen soń, odan qashyp qutyla almaıtynyń anyq. Kúnderdiń kúninde óziniń ýytymen, sheńgelimen shyrmap alary haq. Ne istemek kerek? Oń-solyn tanyp úlgermegen jastardy, urpaqty saqtaýymyz qajet.
Toqsan aýyz sózdiń tobyqtaı túıinin aıtqanda, esirtkimen kúresip qana qoımaı, ony boldyrmaýdyń, aldyn alýdyń joldaryn izdeýimiz kerek. Nashaqorlyq qoǵam derti. Nashaqorlyqpen kúresýge jalǵyz adamnyń shamasy kelmeıdi. Bul jerde zań saqshylary, narkolog mamandar, ata-analar jáne sizder men bizder árbir Qazaqstan azamaty shette qalmaý kerek. Ǵasyr dertimen kúresý kerek. Dúnıedegi eń qymbat nárse ol - seniń ómiriń. Seniń ómiriń ol óz qolyńda. Sózimdi myna óleń shýmaǵymen aıaqtaǵym keledi:
Jaqyndama nasha degen tajalǵa,
Jas ómirdi ıteretin ajalǵa.
Óz ómiriń óz qolyńda, eı, dostym!
Densaýlyqtyń qadirin bil, baǵala!
#67 orta mektep
Idirisova Araılym, Aral aýdany
#OPD EQQIQBbaıqaýyna
#nakonkýrsÝPDDPKZO
