قر پارلامەنتى ءماجىلىسى مەن ءماسليحاتتار سايلاۋىن رەسەيدەن بەس ديپلومات جانە ەقىۇ ەلدەرىنەن ەكى ديپلومات باقىلادى، دەپ حابارلايدى قازاقپارات ءتىلشىسى اتىراۋ وبلىسىنىڭ كوممۋنيكاتسيالار قىزمەتىنە سىلتەمە جاساپ. اتىراۋ وبلىستىق اۋماقتىق سايلاۋ كوميسسياسىنىڭ حابارلاۋىنشا، وڭىرگە تمد ميسسياسى بويىنشا رف-نىڭ استراحان وبلىسىنان بەس باقىلاۋشى، سونداي-اق ەۋروپادان ەكى ديپلومات كەلدى. ولاردىڭ بارلىعى حالىقارالىق اككرەديتاتسيادان ءوتىپ، پتر تەست تاپسىردى. شەتەلدىك قوناقتاردىڭ ايتۋىنشا، ايماقتاعى داۋىس بەرۋ پروتسەسى جوعارى دەڭگەيدە ۇيىمداستىرىلعان. « مەن، ەڭ الدىمەن، بۇگىنگى سايلاۋدىڭ جوعارى دارەجەدە ۇيىمداستىرىلعانىن اتاپ وتكىم كەلەدى. ءبىرىنشى كەزەكتە، ول ارينە ازاماتتاردىڭ قاۋىپسىزدىگىنە باعىتتالعان. بارلىق ۋچاسكە سانيتارلىق قۇرالدارمەن جابدىقتالعان: قورعانىس ەكرانى، سانيتارلىق كىلەمشە، قول سانيتايزەرى، مەديتسينالىق ماسكا. سوندىقتان، اتىراۋ وبلىسى تۇرعىندارىنىڭ قاۋىپسىزدىگى مەن دەنساۋلىعىنا الاڭداماۋ كەرەك دەپ سەنەمىن»، - دەدى تمد ميسسياسى بويىنشا رەسەيدەن كەلگەن حالىقارالىق باقىلاۋشى ۆلاديمير زولوتوكوپوۆ. ايتا كەتەيىك، كۇنى بويى حالىقارالىق بايقاۋشىلار اتىراۋ قالاسىنداعى، سونداي-اق اۋدان مەن اۋىلداردىڭ سايلاۋ ۋچاسكەلەرىن ارالاپ شىقتى. ديپلوماتتار داۋىس بەرۋ بەكەتتەرىندەگى سانيتارلىق قاۋىپسىزدىك شارالارىن باعالاپ، سايلاۋ پروتسەسىن باقىلاپ وتىردى. سونىمەن قاتار، ەلىمىزدەگى ارىپتەستەرىمەن دە تاجىريبە الماستى.
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз