كحدر باسشىسى كيم چەن ىن اقش-تى ەلدىڭ "باستى جاۋى" دەپ اتادى، دەپ حابارلايدى رەنحاپ اگەنتتىگى.
كيم چەن ىننىڭ ايتۋىنشا، ۆاشينگتوننىڭ پحەنيانعا قاتىستى ساياساتى اقش-تا باسشىلىق لاۋازىمداردا كىم بولسا دا وزگەرمەيدى.
سونىمەن بىرگە ول ەكى ەل اراسىنداعى قارىم-قاتىناستى جاقسارتۋدىڭ كىلتى ۆاشينگتوننىڭ "دۇشپاندىق ساياساتتان" باس تارتۋى ەكەنىن ايتتى، دەپ حابارلايدى اگەنتتىك.
سولتۇستىك كورەيانىڭ ورتالىق تەلەگراف اگەنتتىگىنىڭ حابارلاۋىنشا، كيم چەن ىن كحدر يادرولىق قارۋدىڭ ستراتەگيالىق قۋاتىن جانە جويىلۋ اۋقىمىن 15 مىڭ شاقىرىمعا دەيىن ارتتىرۋعا نيەتتى ەكەنىن ايتتى.
سونىمەن قاتار، سولتۇستىك كورەيا باسشىسى جاڭا يادرولىق سۋاستى قايىقتارىن ازىرلەۋ اياقتالعانىن حابارلادى. كيم چەن ىن ەل يادرولىق قارۋدى دامىتۋدى جانە الدىن-الۋ مەن قارىمتا جاۋاپ بەرۋ ادىستەرىن جەتىلدىرۋدى جالعاستىرادى دەپ ۋادە بەردى.
كحدر باسشىسى جانە دونالد ترامپ ەكى ەلدىڭ رەسمي قارىم-قاتىناستارىنىڭ جوقتىعىنا قاراماستان، بۇرىن ءۇش كەزدەسۋ وتكىزىپ، ولاردىڭ جەكە دوستىق قارىم-قاتىناستارىن بىرنەشە رەت اتاپ وتكەن بولاتىن.
"ادىرنا" ۇلتتىق پورتالى
فوتو اشىق دەرەككوزدەن الىندى
