اكتەر ساشا بارون كوەن قازاقستاندا داۋ تۋعىزعان بورات وبرازىن قولدانۋدان باس تارتاتىنىن مالىمدەدى، - دەپ حابارلايدى Tengrinews.kz تىلشىسى LADbible باسىلىمىنا سىلتەمە جاساپ.
Variety جۋرنالىنا بەرگەن سۇحباتىندا 49 جاستاعى اكتەر بوراتتى "سورەگە قوياتىنىن" مالىمدەدى. ساشا بارون كوەن پەرسوناج ءپروتوتيپى بۇرىنىراقتا كەزدەستىرگەن ورىس تاكسيسى بولعانىن ايتتى. كوەننىڭ ايتۋىنشا، ول بوراتتى بىلتىر اقش پرەزيدەنتى قىزمەتىنەن كەتكەلى جاتقان دونالد ترامپتى سىناۋ ءۇشىن قولدانىپتى.
"بۇل ءفيلمنىڭ ماقساتى بولدى. دەموكراتياعا قاۋىپ ءتونىپ تۇرعانىن سەزدىم جانە ءفيلمدى اياقتاۋ كەرەگىن ءتۇسىندىم. ەندى بۇلاي جاساۋدىڭ ءمانىن كورىپ تۇرعانىم جوق", - دەدى كوەن سۇحباتىندا.
ەسكە سالايىق، "بورات-2" ءفيلمىنىڭ سيۋجەتى بويىنشا قازاقستاندا تانىمال جۋرناليست بورات ساگديەۆ تاعى دا اقش-قا بارىپ، پرەزيدەنت سايلاۋى قارساڭىندا ەلدىڭ ساياسي ءومىرىن زەرتتەيدى، كوروناۆيرۋس پاندەمياسىمەن تاباق الىپ كۇرەسەدى جانە دەموكراتتاردىڭ قارسىلاستارىمەن سويلەسەدى. Amazon Prime Video ستريمينگ سەرۆيسى كومەديانىڭ ءبىرىنشى ترەيلەرىن YouTube-تە جاريالادى.
مۇنىڭ الدىندا اكتەر نەگە ءوز فيلمىنە قازاقستاندى تاڭداعانىن دا تۇسىندىرگەن ەدى.
فيلم شىققان كۇنى قازاقستاندىقتار اقش كونسۋلدىعىنا پەتيتسيا تابىستاپ، "بورات-2" ءفيلمىنىڭ كورسەتىلىمىنە قارسى #CancelBorat حەشتەگىن جازۋدى سانگە اينالدىرعان بولاتىن
