Akter Sasha Baron Koen Qazaqstanda daý týǵyzǵan Borat obrazyn qoldanýdan bas tartatynyn málimdedi, - dep habarlaıdy Tengrinews.kz tilshisi LADbible basylymyna silteme jasap.
Variety jýrnalyna bergen suhbatynda 49 jastaǵy akter Boratty "sórege qoıatynyn" málimdedi. Sasha Baron Koen personaj prototıpi burynyraqta kezdestirgen orys taksısi bolǵanyn aıtty. Koennyń aıtýynsha, ol Boratty byltyr AQSh prezıdenti qyzmetinen ketkeli jatqan Donald Trampty synaý úshin qoldanypty.
"Bul fılmniń maqsaty boldy. Demokratııaǵa qaýip tónip turǵanyn sezdim jáne fılmdi aıaqtaý keregin túsindim. Endi bulaı jasaýdyń mánin kórip turǵanym joq", - dedi Koen suhbatynda.
Eske salaıyq, "Borat-2" fılminiń sıýjeti boıynsha Qazaqstanda tanymal jýrnalıst Borat Sagdıev taǵy da AQSh-qa baryp, prezıdent saılaýy qarsańynda eldiń saıası ómirin zertteıdi, koronavırýs pandemııasymen tabaq alyp kúresedi jáne demokrattardyń qarsylastarymen sóılesedi. Amazon Prime Video strımıng servısi komedııanyń birinshi treılerin YouTube-te jarııalady.
Munyń aldynda akter nege óz fılmine Qazaqstandy tańdaǵanyn da túsindirgen edi.
Fılm shyqqan kúni qazaqstandyqtar AQSh konsýldyǵyna petıııa tabystap, "Borat-2" fılminiń kórsetilimine qarsy #CancelBorat heshtegin jazýdy sánge aınaldyrǵan bolatyn
