سوڭعى كەزدە الەۋمەتتىك جەلىنى جەكە باسىنا پايدالاناتىندار كوبەيىپ كەتتى. بىرەۋدى قارالاپ، ماسقارالاۋعا تاپتىرمايتىن قۇرالعا اينالدى. بىراق مەدالدىڭ ەكى جاعى بار ەكەنىن جۇرت ۇمىتقان سەكىلدى.
ايتپەسە اۋىلىنا كومەكتەسىپ، تۋعان جەرىنىڭ شاشباۋىن كوتەرىپ جۇرگەن سەرىك بەكقايىروۆقا جاپتىم جالا، جاقتىم كۇيە دەگەندەردىڭ ارەكەتىن قالاي تۇسىنسەك بولادى؟
سەرىك بەكقايىروۆ بقو جاڭاقالا اۋدانىنا ەڭبەگى سىنگەن كاسىپكەر. بۇنى سول سەرىك وسكەن ءوڭىردىڭ ءاربىر تۇرعىنى ايتا الادى. باي بولساڭ حالقىڭا پايداڭ ءتيسىن دەي مە؟
سوڭعى ۋاقىتتا وسى سەكەڭدى قارالاپ جازعان ادامدار پايدا بولا باستادى."يت ۇرەدى،كەرۋەن كوشەدى" دەگەن ۇستانىمعا ساي ۇندەمەي قالسام باسىلاتىن شىعار دەسەم دە سوڭعى كەزدە بۇل پروتسەسس ۇدەي باستادى. سوندىقتان جاۋاپ بەرۋدى ءجون سانادىم دەگەن سەكەڭ وسى اڭگىمەگە بايلانىستى ءوز ويىن اشىق ايتتى. "شەتەلدەن كەلسەم مەنى الاياق دەپ قارالاپ جازعان پوستتار پايدا بولىپتى. ەگەر مەن الاياقتىق جاساسام زاڭ ارقىلى كىنامدى موينىما قويمايدى ما؟ ال بۇلار زاڭعا جۇگىنۋ بىلاي تۇرسىن، ۇيىمە بانديتسىماق بىرەۋلەردى جىبەرىپ قورقىتۋعا كوشتى. ەشكىمنىڭ الدىندا ەسەپ بەرىپ كورمەپپىن. بىراق وسى جولى شىداپ تۇرا المادىم"-دەيدى كاسىپكەر.
ءوزى وسكەن ايماعىنا،قالا بەردى جوق-جىتىككە،مۇقتاجدارعا،جاعدايى تومەن وتباسىلاردىڭ بالالارىنا جوعارى ءبىلىم الۋلارى ءۇشىن وقۋ اقىسىن تولەپ بەرىپ،كومەك قولىن اياماعان كاسىپكەردى بوپسالاعانداردى نە دەۋگە بولادى؟ الدە اقشاسى بار ەكەن دەپ بوپسالاساق بىزگە دە مايلى جىلىكتىڭ ءبىر باسى ءتيىپ قالار دەگەندەردىڭ ارەكەتى مە؟
سالامات دوسىمباەۆ
