بيزنەس وكىلدەرى، كاسىپورىندار، فەرمەرلەر، ءبىلىم بەرۋ قىزمەتكەرلەرى، دەنساۋلىق ساقتاۋ قىزمەتكەرلەرى، زەينەتكەرلەر جانە جاستار - حالىقتىڭ بارلىق وسى ساناتتارى - «ADAL» پارتياسىنان ءماجىلىس دەپۋتاتتىعىنا ۇمىتكەرلەر وتكىزەتىن كەزدەسۋلەردىڭ قاتىسۋشىلارى.
حالىقپەن ءار كەزدەسۋ پارتيانىڭ سايلاۋالدى باعدارلاماسىن، تۇرعىنداردىڭ پروبلەمالىق ماسەلەلەرى مەن ۇسىنىستارىن بەلسەندى تالقىلاۋ بولىپ تابىلادى.
مۇنداي كەزدەسۋلەر، مىسالى، نۇر-سۇلتاندا ءوتتى. ءماجىلىس دەپۋتاتتىعىنا ۇمىتكەرالينا اسقاروۆا، سونداي-اق قالالىق ماسليحاتقا ۇمىتكەر ءابجانوۆ سەرىكبول ەلوردا جاستارىمەن جانە كاسىپكەرلەرىمەن ەگجەي-تەگجەيلى اڭگىمەلەستى.
كەزدەسۋگە قاتىسۋشىلاردىڭ ءبىرى ADAL-دان بيزنەس ماسەلەلەرىن شەشۋگە كومەكتەسۋىن سۇرادى: «كارانتين كەزەڭىندە كوپتەگەن كاسىپ ءىس جۇزىندە توقتادى. شەكتەۋ كاسىپكەرلەرگە زيان تيگىزدى. ءوز ءىسىن ەندى باستاعاندار اسىرەسە زارداپ شەكتى. پارتيا قيىن كەزەڭدەردە جانە جۇمىسىنىڭ العاشقى جىلدارىندا بيزنەستى قولداۋدىڭ ءتيىمدى شارالارىن العا تارتسا جاقسى بولار ەدى ».
الينا اسقاروۆا بۇل ۇسىنىسقا بىلاي دەپ جاۋاپ بەردى: "پارتيا باعدارلاماسى پروبلەمالىق نەسيەلەرگە راقىمشىلىق جاساۋ، جەڭىلدەتىلگەن نەسيە بەرۋ جانە باسقا دا شارالاردى قاراستىرادى. سونىمەن قاتار، سايلاۋ ناتيجەسى قانداي بولاتىنىنا قاراماستان، پارتيا ازاماتتاردى ءبىلىم بەرۋ، دەنساۋلىق ساقتاۋ جانە بيزنەستە قولداۋ ماسەلەلەرىن ىلگەرىلەتۋگە نيەتتى ەكەنىن اتاپ وتكىم كەلەدى".
پارتيانىڭ باسىمدىقتارى تۋرالى تولىق اقپاراتتى تىڭداپ، قاتىسۋشىلار ءوز قولداۋىن ءبىلدىردى.
الينا اسقاروۆا مەن قالالىق ماسليحاتقا دەپۋتاتتىققا ۇمىتكەر ەلميرا ساكالوۆانىڭ قاتىسۋىمەن تاعى ءبىر كەزدەسۋ ەلوردانىڭ بەلسەندى ەرىكتىلەرىنىڭ قاتىسۋىمەن ءوتتى. ولاردىڭ كوپشىلىگى وزدەرىنىڭ قايىرىمدىلىق قىزمەتىن "نۇر-سۇلتان كومەك قورى" جۇمىسى شەڭبەرىندە جۇرگىزەدى.
ەرىكتىلەر مۇقتاج جاندارعا ازىق-تۇلىك جيىنتىقتارىن، وتباسىلارعا زاڭ كومەگى جانە اۋىر ناۋقاس بالالارعا كومەك كورسەتۋ ءىس-شارالارىن وتكىزۋدە كومەكتەسەدى.
كەزدەسۋگە قاتىسۋشىلار ۋنيۆەرسيتەتتەردە ءبىلىم ساپاسىن ارتتىرۋ، ءبىلىم بەرۋدى تەگىن ەتۋ، گرانتتار سانىن كوبەيتۋ كەرەك دەگەن پىكىرلەرىن ءبىلدىردى. سونىمەن قاتار ولار جاستاردى جۇمىسپەن قامتۋعا كومەك كورسەتۋ قاجەتتىلىگى تۋرالى ماسەلەلەر كوتەردى.
انىقتاما
2013 جىلى قازاقستاندا «بىرلىك» ساياسي پارتياسى قۇرىلدى. پارتيا توراعاسى سەرىك سۇلتانعالي.
2020 جىلدىڭ 5 قاراشاسىندا «بىرلىك» ءوز اتاۋىن «ADAL» دەپ وزگەرتتى (قاز. «ادال» - «ادالدىق»).
پارتيانىڭ ساياسي كەڭەسىنىڭ مۇشەلەرى:
سەرىك سۇلتانعالي، ەلدار جۇماعازيەۆ، ارداق نازاروۆ، الينا اسقاروۆا، ماقسات تولىقباي، الماسبەك سادىرباەۆ، داۋلەت مۇقاەۆ، ولجاس ورداباەۆ، يگور شاتسكي، لاۋرا ماليكوۆا، لياززات شىڭعىسباەۆا، جيگۋلي دايراباەۆ، عالىمبەك جاقسىلىقوۆ، اقمارال بەكمىرزاەۆا، نۇرلىبەك مالەلوۆ، عاني ابادان.
